【批判性思考】聽就聽得多啦！批判性思考到底係咩？

Post author:Estherccy
Post category:小編分享
Post published:2020-07-03
Post last modified:2020-07-03

近年，批判性思考 (critical thinking) 經常出現係社會大眾嘅視線中出現。學校要求學生識批判性思考，公司又要求員工有批判性思考。但其實批判性思考到底係咩？點解社會近年咁睇重呢隻思考模式呢？而家就等Tutor Circle尋補一齊研究下啦！

到底咩係批判性思考？

批判性思考有咩特質？
圖片來源

批判性思考 (Critical thinking) 最早由美國學者Edward Glaser提出，佢指出批判性思考最主要有三種特質：

傾向以審慎的態度思慮議題和解決難題。
對理性探索與邏輯推理的方法有所認識。
有技巧地應用上述的方法

根據呢一套理論，批判性思考強調客觀嘅理性分析，係一種種有目的、自我規範嘅判斷。
一個具有批判性思考嘅人，會習慣咁發問同探索，為求對事物有全面嘅認知，會對事情持開放態度，作出公正的評價，會勇於從新審視自己曾經作出嘅判斷，追求係情況同環境許可下，得出最精細、最準確的結論。

批判性思考嘅實踐

夜闌人靜你會唔會橫過馬路？
圖片來源

批判性思考始終係一個哲學概念，係理論上可能會比較難明，所以睇佢嘅實踐會有助同學理解到底何為批判性思考。
批判性思考要求思考者針對一般性思考中所提出嘅觀點作出原則上嘅反省。小編隨手舉一個例子，「亂過馬路是犯法的」，而一般而言，「犯法是不好的」，故此，「亂過馬路是不好的」。這是社會大眾一般所持嘅想法。
係呢個例子入面，批判性思考要求思考者對於呢個 “well-established”嘅論點提出反省：「亂過馬路係唔係必然不好的呢？」夜闌人靜嘅時侯，街上空無一人，亦冇車輛經過，到底有幾多人可以拍心口保證，佢地唔會橫過馬路呢？
如果你承認，四下無人嘅時侯你會亂過馬路，你係本著「即使返左法，只要無人受傷就無問題」嘅心態，如果係咁，「亂過馬路係唔係必然不好的呢？」定還是，「亂過馬路只要唔傷害到人就冇問題呢？」
如果係咁，點解幾時亂過馬路都係犯法嘅呢？咁樣嘅法律本身公唔公平呢？如果半夜4點，條街一個人同一架車都冇，亂過馬路雖然無做成實質傷害，但如果被cctv影到，仍然係犯法，要接受懲罰－咁樣又係唔係法律上係社會上應有嘅功能呢？

以上就係廣義批判性思考嘅實踐，強調思考者對現有嘅事情做出反省同客觀理智嘅質疑，希望有助同學理解呢個複雜嘅哲學概念。