【創新科技】係香港發展有無可能呢？

Post author:Estherccy
Post category:升學出路
Post published:2020-07-03
Post last modified:2020-07-03

近年科技發達，創新科技成為社會熱談，大眾都睇好創科產業，政府亦都加大力度發展香港嘅創科，咁到底創新科技包啲咩，香港嘅創科前景又如何呢？而家就等Tutor Circle尋補分析下啦！

創新科技指啲咩？

創科同我地日常生活息息相關
圖片來源
創新科技 (innovative technology) 有兩層意義，分別指科技嘅產品創新同過程創新，推動科學同科技嘅進步。

創科聽落遙不可及，但其實同我地生活息息相關。小至汽車嘅自動駕駛 (auto-pilot)，大至人工智能例如Google嘅Alpha Go，都係創科嘅產物。

創新科技可以為一個現有嘅行業帶黎徹底嘅革命性改變，例如網上購物嘅模式大規模咁影響左成個零售行業。隨住Amazon 同淘寶等網上購物平台嘅堀起，零售行業被逼轉型，唔小大品牌例如 Cath Kidston同Victoria’s Secret等等紛紛放棄實體店市場，轉攻網店。

創新科技亦可以令行業產品化更加成熟。以電子遊戲為例，呢個本身近為飽和嘅行業近年迎來虛擬現實 (Virtual Reality)嘅出現，令到遊戲硬件出現新嘅可能性，相關嘅軟件亦有更大發展空間，呢個亦係創科一個成功嘅實踐例子。

香港創科前景

香港創科前景不太理想？
圖片來源

創科作為一個新興產業，潛力無限，但係香港嘅發展空間有唔少限制。

人才方面，香港對於創新科技嘅人手培養十分落化，唔少香港人仍然抱住傳統觀念，覺得醫科、法律呢啲先係高增值行業先叫好，創科風險大，但成本高，普遍香港人對科研成果缺乏耐性，令到入行嘅人非常少。

創科行業係一個極度燒錢嘅行業，亦冇人可以保證回報，係香港特殊嘅商業環境下，初創企業面對高昂嘅成本，租金同器材樣樣都係錢，政府嘅資助又大多數面向大公司，小本生意就算有好嘅idea，亦難以付諸實行，香港人又較為保守，即使眾籌集資，亦比較少成功例子。

無可否認嘅係，香港政府近年有大力發展科研行業，加大力度注資，並設立創新及科技局，決意加強對創新及科技界的支援，但仍然擺脫唔到大部份政府部門嘅通病－官僚主義盛行，官員冇切身嘅創科經驗，決策以大公司為本，忽略作為創科根基嘅初創企業，令到香港創科前景危機重重，發展落後其他鄰近城市。