【小學中文】瘋狂默書真係會有進步？

Post author:Estherccy
Post category:學術資訊
Post published:2020-07-22
Post last modified:2020-07-22

香港普遍嘅小學都着重操練試卷，希望透過多番練習，令到學生成績有所進步。對於中文科亦都唔例外，小學生所接觸到嘅中文大多數都係默生字、背默、短作文等等。咁樣嘅模式其實有機會令到小學生無所適從，呢頭考完試嗰頭就唔記得。今日就等Tutor Circle尋補為家長分析下，小學中文到底點樣先至可以有進步啦！

筆劃練習

圖片來源

有唔少家長都覺得，小學中文要進步，一定要花大量嘅時間為小朋友溫默書，準備測驗等等。但係其實好多時家長都忽視左練習筆劃嘅重要性。
筆劃除咗會影響字體嘅美觀之外，亦都會影響小朋友對於部首同埋部件嘅認識。要小朋友一時之間記得大量生字嘅寫法同埋意思其實有啲困難，但係中文嘅部首會直接影響字嘅意思，寫啱筆劃，對於小朋友配對部首有幫助，自然比較容易明白生字嘅意思。
另外，如果小朋友無視筆劃嘅規則，用基本上畫畫嘅方法去寫字，每學一個新嘅生字對佢來講都係一個完全唔同嘅畫法，例如學識左「相」字點算，但到學「湘」字嘅時候，因為冇好好咁樣整理筆劃，小朋友會冇辦法理解呢兩個字相似嘅地方喺邊，咁學字自然慢。

象形字

圖片來源

對於小朋友來講，死記硬背可能比較難。以小學生嘅attention span黎講，要佢地
時間坐喺書枱面前抄背亦都會冇咁有效率。

家長要掌握小學生活潑好動嘅個性，係背默生字嘅時候，多以象形文字講解，例如「湖」「清」「泥」等字，都係以水為部首，家長可以解釋一下水邊其實同流水形象相似，以圖畫等視覺教學，比較容易吸引小朋友嘅注意力。咁小朋友以後每一次見到水治邊嘅生字嘅時候，都會聯想起流水嘅畫面，從而推斷出呢一個字同水應該係有關係嘅。

閱讀理解

圖片來源
隨手翻開市面上嘅小學中文補充練習，都唔難見到閱讀理解嘅蹤影。細心D睇就會發現，市面上大部份嘅閱讀理解，閱讀文章都非常之長，所使用嘅詞彙亦都頗為高深。

其實對小學生來講，要喺短時間內吸收篇幅咁長嘅文章，會有一定嘅難度。
家長可以喺早期為小朋友畫出重點，例如只要好快速咁樣睇文章嘅第一段同最後一段，一般來講就可以大概理解文章嘅中心思想。

家長亦都要留意，唔係要小朋友每一個字識晒先至可以做到閱讀理解，畢竟中文有幾千年嘅歷史，博大精深，相信唔會有一個人可以識晒每一個中文字。更加重要嘅係，要教小朋友有技巧咁樣猜測一個字嘅意思，唔好每一次見到唔識嘅字都停咗喺度。可以跟返上文下理，或者字嘅部首，有邏輯咁樣估計字嘅意思。

總結

小學嘅科目入面，相信以中文最為實用。其實日常生活中，小朋友主要使用嘅語言都係中文，家長唔需要太過擔心，過分操練只會影響學生對於科目嘅觀感。

【延伸閱讀】【各大院校收生要求2019】究竟入大學有咩要求？
【延伸閱讀】E-App點樣交錢？報完E-App仲洗唔洗報Jupas？
【延伸閱讀】dse計分 – 同分嘅情況下邊位考生會有優勢?

**現在從Blog 下方按鈕轉載到 Tutor Circle 尋補網站，並輸入優惠碼 ”TCBLOG2020“ 即可有$20學費減免，事不宜遲，馬上去搜索適合導師上課吧**

此文章純屬 Blogger 個人分享，並不代表本網誌立場。