【預防近視】網上授課Zoom足成日變大近視？預防近視小秘方

圖片來源
資料引用/摘錄：wikipedia,studenthealth.gov.hk,bowtie同https://kknews.cc/health/mg86on6.html
唔知你哋有冇近視呢？小編坦白地同你哋講——我係有近視㗎！如果你哋仲未有近視，已經好叻㗎啦！但係呢排又要Work from Home，又要去Zoom上堂，可能你哋都驚咁樣會唔會整壞隻眼，或者加深近視。不過，唔緊要！今日Tutor Circle嘅小編會同大家介紹一啲方法可以保護雙眼，預防近視嘅機會。

成因

圖片來源
學童近視的預防與治療| 中亞健康網- 用心傳遞每一刻為您把關健康人生
首先，要預防近視，就要了解近視嘅特性或者定義，先可以對症下藥。根據wikipedia,近視係指眼睛視覺成像未能聚焦於視網膜上，而是聚焦於視網膜之前的情形。患者在目視遠物會模糊，而目視近物相對清楚。其他症狀包含頭痛跟眼睛疲勞，嚴重的近視會增加視網膜剝離、白內障及青光眼的風險。

延伸閱讀【學童矯視資訊】矯視隱形眼鏡知多少?
延伸閱讀【點止大學咁簡單】理大驗眼：香港理工大學眼科視光學診所

預防近視方法

1. 要有適當嘅休息

第一，預防近視首先從生活習慣開始。呢排大家要上網課，又要用電腦做功課，可能雙眼都會覺得好攰亦可能會加劇近視問題。小編建議大家睇咗屏幕產品20至30分鐘，就要有適當嘅休息，例如可以望綠色植物、眨眼，令眼睛放鬆。如果大家上完一日堂，又有時間嘅話，不妨可以去公園行下，以預防近視加深。根據研究，青少年戶外活動的時間與近視加深速度成反比。雖然做多啲戶外活動呢句說話好老土，但係真係work㗎！
圖片來源

2. 唔好瞓喺度睇書或者睇屏幕產品

第二，小編知道好多人鍾意瞓係張床度睇電話或者睇書，但係其實就算小編唔講，相信大家都知道，瞓喺張床度睇書或者電話，真係好傷眼。小編建議大家喺閱讀同埋做嘢嘅時候，眼睛距離書本或者屏幕產品至少有30厘米，先可以確保唔會傷害眼睛。當然，小編都知道有陣時你哋會諗做嘢好攰，所以先攤係張床姐，一次半次唔怕啦！但係習慣係由細培養嘅，如果放縱左自己一兩次，好多時候就會繼續用呢個方式去生活，試諗吓，為咗方便，而傷害自己嘅眼睛、令近視加深，真係值得咩？所以小編覺得大家前一晚要有充足嘅睡眠，然後第二日精精神神坐係張書枱面前，養成唔好瞓喺度睇書或者睇屏幕產品嘅呢個習慣，先係真正嘅愛護眼睛。
圖片來源

3. 適當的光線處理

第三，睇書、做功課既時候盡量要開燈，唔好因為懶，就唔行去開。相信大家都知道系黑暗中工作，會損害視力甚至加深近視。另外，大家記住唔系開咗燈就算，要留意燈光系唔系均勻，有冇足夠既光度，而且大家要留意吓燈光系唔系剌眼。如果你哋系用右手寫字，光線應該從左上角照射，而唔系直接射入眼睛。
圖片來源

4.多進食含豐富維生素甲的食物

第四，講完以上的生活習慣，依家就要講點樣從飲食預防近視。好多大人話如果想眼睛健康啲，就食紅蘿蔔。但係究竟點解要食紅蘿蔔，對我哋既眼睛有咩好處呢？其實，紅蘿蔔正正就系屬於含有維生素甲嘅食物，我哋成日都要對住電腦嘅屏幕，其實係會導致視網膜上嘅感光物質紫紅質消耗加快，如果長期冇補充維生素甲，就會令視力衰退。除咗紅蘿蔔，其實仲可以食其他食物，例如：莧菜、菠菜、韭菜、青椒、紅薯、桔子、杏子、柿子等。
圖片來源

5.定期作全面眼睛檢查

小編建議成年者應該每年去做一次全面眼睛檢查，而兒童 (12歲或以下) 就應該每6個月去檢查一次。如果發現視力模糊不清，睇事物既時候，好似要比平時用多咗力，就應該盡量快啲預約視光師做檢查。視光師會通過眼睛檢查，確認你既眼睛情況同埋俾適當既意見，例如：當視光師發現你哋患上近視，可能會建議配帶近視眼鏡，延緩近視加深。(資料根據：bowtie)
圖片來源