You are currently viewing 【健身器材】有什麼健身器材可以在家用?使用健身器材時的注意事項

【健身器材】有什麼健身器材可以在家用?使用健身器材時的注意事項

  • Post author:
  • Post category:小編分享
  • Post published:2020-10-23
  • Post last modified:2020-10-23

資料引用/摘錄:wikikknews
好多人都會去健身室,使用健身器材,希望可以操fit自己。不過,依家香港疫情反覆,你係唔係好掛住健身室,想去又驚感染?今時今日,做運動唔一定要去健身室,喺屋企用健身器材健身都得㗎!今日Tutor Circle 尋補小編為你介紹五種健身器材,喺屋企都可以做運動,維持做運動嘅習慣!
 
[延伸閲讀]【快速減肥】快速減肥對身體有害?如何健康地快速減肥?
[延伸閲讀]【入門行山】帶幾多水先夠?行山新手入門必睇裝備清單! 
 


1. 啞鈴

圖片來源 

啞鈴方便易用,好多新手都能掌握
啞鈴方便易用,好多新手都能掌握

首先,小編想介紹既係啞鈴。一開始做健身嘅時候,可以試吓用啞鈴呢種健身器材,網上亦都有唔少嘅YouTuber教點樣用啞鈴做workout,例如May Fit上傳咗一段25分鐘居家啞鈴上半身訓練嘅影片,小編覺得好正,大家不妨學佢啲片咁輕輕鬆鬆喺屋企做運動。而且,相對於其他健身器材,啞鈴比較小巧,方便收納,同埋好容易係運動店搵到。小編十分推介大家去做啞鈴平臥推舉,根據維基百科嘅資料,大家嘅身體要平臥在水平嘅櫈上。兩隻手各拿着一個啞鈴,兩臂伸直至胸部嘅正上方。屈肘,肩部打開,慢慢把啞鈴放下來。
 

2. 跑步機

圖片來源 

運動健身,帶氧運動都係必需
運動健身,帶氧運動都係必需

然後,小編想介紹既系跑步機。一般來講,跑步機係比較常見嘅健身器材,操作亦都十分簡單,深受各位跑步迷嘅喜愛。小編建議大家要買有安全扣嘅跑步機,因為當你跟唔上速度,甚至昏倒或者摔倒既時候,安全釦會脫離跑步機而令跑步機立刻停止。不過跑步機最唔好嘅地方就係太貴,都要成幾千蚊先可以買到一部家用跑步機。唔知道跑步機適唔適合自己?如果大家嘅朋友同親戚屋企有跑步機,不妨可以問佢哋借嚟試吓用先。假如大家唔鍾意跑步機,但係又買咗返嚟,咁就有晒錢又唔環保㗎啦!

 



3. 划船器

圖片來源 

划船器可以訓練全身肌肉
划船器可以訓練全身肌肉

第三,小編想介紹嘅係划船器。大家有冇試過用划船器呢?小編曾經喺學校試過用,覺得好正,好好玩。可能你哋會問用划船器唔傷關節嘅咩?唔係成日都要郁嚟郁去既咩?小編可以同你地講正確地使用划船器係唔會傷關節㗎!不過,做完之後,雙手會好攰。小編建議你哋如果想練肌肉,不妨可以試吓用划船器呢種健身器材,可能會帶俾你哋意外驚喜!
 


Copyright © 2022 Tutor Circle 尋補. All rights reserved. 此文章未經許可,不得轉載。
Copyright © 2022 Tutor Circle 尋補. All rights reserved. 此文章未經許可,不得轉載。

4. 收腹器

圖片來源 

對女仔嚟講,腹部就最難減!
對女仔嚟講,腹部就最難減!

第四,小編想介紹嘅係收腹器。顧名思義,佢係一種用嚟練腹嘅健身器材。咁快就恢復咗正常返工返學嘅日子,係Work From Home 嘅時候,大家係唔係食咗好多嘢呢?有冇凸咗個肚腩出黎呢?如果有嘅話,可以試吓用收腹器。好多時候,收腹器亦都有保護後腰既功能,當大家進行仰臥起坐運動時,可以使用呢個器材,咁就降低受傷嘅機會啦!
 

5. 健身單車

圖片來源 

健身單車最好就係可以一路煲劇一路踩
健身單車最好就係可以一路煲劇一路踩

最後,小編想介紹嘅係健身單車。相信大家對健身單車都唔陌生,小編就唔講咁多啦。至於買邊種健身單車好呢?相信呢個都係你哋嘅迷思,小編覺得折疊式夾健身單車會比較好,冇咁大份,比較容易收藏。小編覺得呢部健身單車都幾好(NutroONE)(利申:小編係冇收錢買廣告),只係覺得佢比較省位。如果屋企冇乜空間,買呢部健身單車絕對係Perfect match。當然,你哋亦都可以選擇其他牌子嘅健身單車,最緊要選擇適合自己嘅健身器材。
 

6. 注意事項

I) 如果你本身有關節炎或者有心臟病,就唔好使用跑步機,因為跌倒嘅機會會比正常跑步高。
II) 使用划船機時,腰背要挺直,唔好向後傾超過15度。
 

總結

希望大家可以搵到自己鍾意嘅健身器材,放假既時候,唔好淨係坐喺屋企,有陣時都要郁吓㗎!小編知道一日嘅時間好短暫,朝早又要返工返學,所以不如試吓夜晚喺屋企用健身器材做運動,享受一下做運動嘅樂趣。雖然而家可以出去做gym,但始終疫情仲未過去,係屋企做運動始終都係安全啲,不如攞埋啲健身器材同屋企人一齊做運動啦!
 
[延伸閲讀]【跳繩減肥】跳繩減肥有效嗎?真是「低耗時,高效能」的運動嗎? 
[延伸閲讀]【健身食品】點樣食得健康又開心?
[延伸閲讀]【健身入門】由零開始玩健身!用健身app學習練成summer body無難度! 
 
此文章純屬 Blogger 個人分享,並不代表本網誌立場。
*本文參考了wikikknews
 

想追返學校進度?Tutor Circle尋補有超過35,000個三大導師,最快兩小時幫你搵一個優秀既上門導師!

想搵 一個合適既私補老師

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram LinkedIn,尋補?Tutor Circle
 
Z世代 修辭手法 Ocamp
英文補習 上莊 中文補習 議論文
slp sample 補習網 數學補習
大學五件事 綜合格式

 


*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Cricle 尋補 對信息或內容所招至的損失或損害,不會承擔任何責任。


尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言