有人話無樣無身材都唔緊要，最緊要識得扮 「女神」，就有大把男朋友畀你揀；就等於你名校出身、高學歷，就有大把補習學生主動喺補習配對平台搵你，一樣道理。今日一於就睇下到底揀補習學生難啲，定係揀男朋友難啲，探討當中抉選。

話說小女子都大學畢業咗好幾年，有一份唔錯嘅工作，但另一方面都係一位補習導師。老實講，補習唔為錢就假嘅，但當見到自己所教嘅學生有進步時個下滿足感絕對係無價。不知不覺間，做補習老師斷斷續續都混左好幾年，依家家長學生對補習導師評價真係好壞參半，為趕Project衝Deadline而射波嘅補習導師確有不少，但真心為學生成績着緊嘅導師也大有人在。無奈地，有時啲學生因為一次唔好嘅經驗，而對我哋所有補習導師一概而論，實屬無辜！

身為導師，覺得要揀岩一位學生真係同揀男朋友一樣咁難，因為「有得揀」同「啱唔啱你」係兩回事，學生同導師最終不歡而散，同揀啱男朋友最終又係俾人飛一樣咁慘慘豬..

不過，唔去試又點會揀得岩，唔通失過戀一次就唔再拍拖咩！因此，我建議學生揀啲可以試堂嘅導師，就算上完第一堂後覺得唔岩，都有得換嘛！

「今時今時，有得揀先係老闆！」

之不過，導師同學生也需要時間磨合，可能上多幾堂就有火花！其實，早在10年前補習風氣就已經極之盛行。現時家長學生都識得有要求地去揀導師，同時補習導師一樣會揀學生去教。以前，係大學YEAR 1時有幫小學生補過，之後發現都唔係幾岩自己。唔知係咪依家大多數家庭嘅情況都咁：

1. 仔女唔想讀書成績差
2. 家長為咗提升佢哋成績就迫佢哋補習
3. 個學生唔係真心想補
4. 小朋友每次補習上堂就等落堂
5. 每次上堂都惡性循環呢個Cycle

首先，自己嘅教法唔會以鬧嘅方式去教。即使家長要求惡，但鬧學生佢哋就會真心鐘意讀書？其次，我係嚟教書，唔係嚟教仔。以往一接到呢啲補習，通常補唔到幾堂自己就會自動QUIT。次次上堂學生學得辛苦，自己又教得辛苦。

情境：

對住無反應嘅學生（明顯唔專心聽），自己上堂時不時都會問下學生明唔明，當時學生答「明白」，但落堂前再問多一次就話唔識（？）

真係唔知學生係敷衍我定個腦記唔到嘢..與其大家辛苦，不如早早了結大家關係，免得浪費時間。

當自己補得越來越多，開始慢慢累積經驗後，都接咗唔少中學生補習，同過小學生上堂先知道對比有幾大。雖然當中不乏係父母要求去補，但好多中學生去搵補習都有半自願性質，落咗堂都會WhatsApp問問題。

總結以上，發現呢啲師生關係先會令教學相輔相成，學生上堂都拎到佢想要嘅嘢。其實，要學得好拎到好成績係需要真心學習先得，而唔係依賴導師幫你做功課做練習，勉強無幸福，俾人迫讀書更加弄巧反拙。反思依家嘅影子教育制度同埋有咁緊張自己小朋友成績嘅家長，真係同「有雞先定有蛋先」嘅哲理一樣難。 

投稿：胡胡

你都有故事／溫書貼士／學校搞笑嘢想分享？💬  立即按圖投稿啦！

延伸閱讀：
【私人補習價錢】最新2022私補價錢 5大因素影響收費！
【一對一補習】你需要私補嗎？3個私人補習好處一覽

常見問題

尋補？Tutor Circle！

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言