【Party Food】預訂派對食物有技巧落單叫到會有5大注意事項！

封面圖片來源
預訂PartyFood到會外賣係開 Party 重要嘅一個環節。不過點樣先揀到一個最適合派對的Party Food到會 Package 呢？今日Tutor Circle尋補就邀請了ReUbird提供最新到會推介同埋教你叫訂Party Food到會嘅小技巧，希望大家可以享受朋友間的聚會，同時享用到高質的Party Food。

好多人都想 book Party Room 去舉辦唔同活動，例如生日派對、家庭聚會、畢業派對等，亦都有啲人純碎想同一班朋友出黎聚下，玩下癲下。

如果係要搞一個特別啲嘅派對，相信大家都唔會想淨係叫 pizza hut 或者 kfc 呢啲外賣啦，嗰到嘅食物樣式唔會話好多，所以都會考慮叫到會食物，訂購到會小食，尤其係生日到會同埋聖誕到會。

更重要嘅係，到會食物相對會好食啲、高質啲同精緻啲。但當你地叫到會嘅時候，會唔會無從下手呢？究竟點樣預訂到會係最好？呢到就有啲注意事項可以幫下你喇，令你叫 Party 外賣可以得心應手。

1.食物嘅份量

唔知你地有無呢個經驗？叫完外賣會食唔曬或者唔夠食，搞到浪費食物或者唔夠飽同掃興。所以決定好到會食物同派對小食嘅份量真係好重要。

喺 ReUbird 入面，就有好多適合唔同人數嘅套餐，少至5人，多至50人。套餐入面嘅Party Food 菜式都會列明係幾多磅或者係幾多件，同時亦可以自由搭配，適合聖誕到會、生日到會或者派對到會。

咁你地就可以根據人數，叫多啲派對小食，小食易夾而且易啲分配，避免咗係一齊share主食，例如飯或者意粉嘅時候會尷尬。

所以叫到會都可以決定叫多啲唔同類型嘅派對小食，例如糕點、雞異、肉串、洋蔥圈同春卷等，而主食嘅份量就可以相對少啲，亦可以簡其他易分配嘅食物，例如三文治等等。

2.各人嘅口味

正所謂蘿蔔青菜，各有所愛。每個人嘅品味都唔同，有啲人鍾意食牛肉，有啲人就唔鍾意。所以喺叫到會前，都要問清楚其他人嘅口味，互相遷就。

可能有人係食齋嘅，咁就要選擇幾款素食俾佢地，例如係雜果沙律等等，有啲人想食健康啲嘅，都可以揀啲綠色套餐。搞 Party 要注意嘅事項真係唔少，尤其食方面要盡量遷就所有人嘅喜好。

咁樣嘅話，每個人都可以食到自己想食嘅嘢，就自然食得開心，玩得開心啦。如果係叫生日到會、派對到會、會議到會，場合唔同，考慮嘅因素又會唔同，可以多加了解。

3.價錢

喺叫到會之前，都要睇清楚價錢係咪係你地嘅budget之內，咁每位朋友都叫得開心，又食得開心。

訂到會，你需要清楚知道唔同份量、唔同套餐嘅價錢，同時亦要衡量價錢合唔合理，咁樣先唔會食得唔盡興。

4.送貨服務時間

就算係訂到會，都要拿捏好到會送到場地嘅時間。

如果你地係想邊玩邊食，就可以在你抵達活動場地後半個鐘至一個鐘到送到，喺大家熟悉環境後，就可以放任地食同玩啦。

另一方面，如果你地係想就翻大家平時用餐嘅時間，咁就可以係六點至七點呢啲時間送到，俾大家有個一齊圍住食嘢傾計嘅時間。

5.可送貨地區

其實普遍嘅到會送貨範圍都好廣，可以送到港島區、九龍區同新界區。但係都要留意翻好多到會都唔送禁區、羅湖、沙頭角、迪士尼、機場、海洋公園、離島同埋馬灣等等嘅偏遠地區。

如果有更多有關到會的問題，你可以隨時到 ReUbird 問問到會客服同事，佢哋都好樂意去解答你！
所有資料及圖片提供：ReUbird