返工返學Chur左成個禮拜，Weekend好想去Relax下？
不如去下離島啦！
相信長洲大家都去過，聽得最多就係長洲糯米糍同大魚蛋搭左成程船入去，唔通淨係食野呀？！附近有咩可以參觀呢？張保仔洞？海灘？有咩特別呀？Tutor Circle尋補教你完盡長州！

長洲一日遊

1. 張保仔洞

   「張保仔洞喳嘛 ， 小學生都聽過啦」
   但你又有冇去過呢？根據傳說，張保仔洞係當年張保仔躲避朝廷追捕既藏身之所，也係佢收藏寶藏既秘密地點之一。雖然依家已經毫無寶藏既痕跡，但仲有好多遊客會去朝聖。
   
   由於洞身狹窄，只可供一人通過，所以遊客要係洞既一邊進入，再喺另一邊離開。而要進入山洞，遊客亦須沿鐵梯而下，並要帶備電筒以供照明。
   
   在2012年，因風雨侵蝕導致洞口上其中一塊大石滑下，令洞入口變得更窄，所以大家要更加小心呀
   
   雖然好值得記念，但大家都要記得唔好用噴漆塗鴉呀！啲油漆好難清理架，就算清潔左都會有漬，所以大家千祈唔好破壞自然景觀呀！

   長洲一日遊

2. 五行石

   去完張保仔洞之後，沿着隔離既小徑行多陣，就會見到五行石架啦！最大個塊石，坐落係山崖既邊緣，遠睇好似就快要跌入海裡咁呀。
   
   踏入個巨石陣，你會覺得自己好似變身做左楊過，踏入左武俠小說既巨石陣咁究竟呢幾舊大石點樣坐落係呢度架呢？🤔
   

   長洲一日遊

3. 櫻花

   想賞櫻？唔洗去日本架喎！好多人都唔知 — 其實長洲都有櫻花睇架！係長洲關公忠義亭出面，種左十幾棵櫻花🌸🌸係春天個陣，百花齊放，配合關公忠義亭既古色古香，睇到人目不暇給！
   

   長洲一日遊

4.  泳灘

   長洲有兩個泳灘：東灣 同埋 觀音灣。東灣海灘長而窄，最適合慢步海灘看日落；水質清澈，游水都唔錯架🏊🏻‍♂️🏊🏻‍♀️
   
   觀音灣就勁了，香港奧運第一金李麗珊就係喺呢度練風帆架啦。所以呢度樹立左個風帆牌扁，紀念香港呢項威水史。
   
   長洲一日遊

5. 海鮮街

   長洲作為一個島，四面環海，當然會有好多魚獲啦！去到長洲，唔係唔去試下佢地咁新鮮既海鮮呀？！
   
   一入夜，成條街都着囇燈，充斥住濃濃既香氣，好多遊人都會係度覓食，好熱鬧架！坐係露天位置，吹住海風，享受住佳餚，為呢個一日遊畫上完美既句號。

長洲ii
長洲一日遊
 
【延伸閱讀】香港本地遊 | 發掘一個不一樣的香港
【延伸閱讀】行山裝備 – 帶幾多水先夠？行山新手入門必睇
 
此文章純屬 Blogger 個人分享，並不代表本網誌立場。
 

想追返學校進度？Tutor Circle尋補有超過10,000個三大導師，即日幫你搵一個合適既導師！

想搵 一個合適既私補老師

DSE讀得咁辛苦，想活用知識黎賺下外快？

想搵 好多好多私補學生

緊貼尋補 Blog、Facebook 同 Instagram，尋補？Tutor Circle！

尋補？Tutor Circle！

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

Smallpotato

最鐘意食薯仔既小薯仔 >3<

留言