【DSE英文】English考試摘星！4大秘技話你知！

早前兩個台灣嘅Youtuber阿滴和滴妹係Youtube上挑戰試做香港DSE英文閱讀卷，身為英文系嘅學士同碩士，佢地做完Session A已經話難，連Session B都冇做！佢地無接受過DSE英文Paper 1既training，可能唔太熟習題型，但係經歷過密集訓練既你地，面對呢份英文reading卷又會唔會無從入手呢？

【Tutor Circle 尋補用戶租倉折扣】租6個月多送3個月迷你倉服務優惠* 隨著小朋友不斷長大，無論是溫習書本或課堂用品想必有增無減。24 STORAGE特此為Tutor Circle 尋補的用戶送上租6個月多送3個月*迷你倉優惠！除了五星級的存倉服務，24 STORAGE 的共享智能工作艙更為學生提供寧靜與獨立的溫習空間，全方位支援莘莘學子！優惠資訊： 1. 優惠日期由2024年10月18日開始，至2024年12月31日完結。 2. 優惠只供 24 STORAGE全新客戶及 Tutor Circle 尋補現有客戶使用。 3. 優惠需填寫 Tutor Circle 尋補專用優惠碼「TutorCircle24」作核對，並確保一切資料正確無誤。 4. 需租滿6個月或以上及預繳按金。 5. 24 STORAGE 全線分店適用。領取優惠方式：租倉時請向24 STORAGE出示Tutor Circle 尋補Promotion Code作核對。 *優惠受條款及細則約束 *如有任何爭議，24 STORAGE及Tutor Circle 尋補保留一切最終決定權。

台灣Youtubers挑戰英文DSE卷一：

英文，一個我地已經學左起碼十二年嘅語言，點解仲會係DSE英文卷入面失手，摘唔到星？其實，係人都知DSE呢個遊戲係好睇你既答題技巧，即使你英文語文水平極高，唔識答題技巧都係會令你係英文卷入面摘唔到星！以下，就等我分享一啲秘技比你地啦！
延伸閱讀：【DSE English】英文考試精讀筆記大全：答題技巧、題目分析！

DSE英文1. Reading

首先Reading分左Session A同埋Session B，當中同學可以選答B1或者B2。Part B1係簡單版，最高分只可達第四級(Level 4)；而B2係困難版，最高分可達5**。唔同程度既同學可按照自己既目標而選答，如果你既目標係5或以上，而能力可達既話，你應該揀B2，爭取更高既分數！
反之，如果你既目標係4或以下，你應該揀B1，因為比較容易去爭取高分。唔洗受平時學校規定你地做邊份卷，就勉強自己揀邊份卷！
想知道點樣善用past paper操卷一？past paper有限唔想浪費？

想善用英文閱讀past paper

正如我上面所講，DSE英文唔係單純考你語文水平，所以我地只要知道問題要求我地答咩答案，係文章中揾得返出黎，答啱問題就可以啦！文章段落雖然長，望落好恐怖，但其實偏口語化，容易閱讀，我地只要揾到題目既重點字詞，就會好容易揾得返個答案！
閱讀文章時，我會用唔同既標記記低唔同既重點，例如圈住名稱類（人名、地名、書名…），間低唔識既字，框住時間、方向等等，以便自己可以係後面更快咁揾返啲答案出黎！

延伸閱讀：【HKDSE English Paper 1】英文閱讀時間控制與題型須知

DSE英文2. Writing

之後到了Writing部分，只要你善用Study leave既時間，願意去背一啲框架、轉接詞、或者係常用既字詞，係Writing呢份卷，要攞到4以上，其實真係唔難！以議論文為例，Introduction → point of views → counter argument → conclusion 呢啲框架係人都知啦，背下啲Intro，Bridging同埋 Conclusion，係考個時轉返啲keywords落去就用得啦！

當然我都唔係叫你去背幾百幾千個字，但係最基本既，一啲連接詞都可以變下掛？唔好成日都係First, secondly, thirdly… 仲有好多字可以用，例如：In addition, Furthermore, Notwithstanding …
再者，善用句式。係DSE英文卷二既Marking Scheme入面，Accurate Sentence Structure係喺Language入面嘅其中一個Criteria。即係話你用到越多句式，你篇文亦會相對高分！
所以，由今日開始，唔好再全篇文都係I go to school by bus啦！試下用多啲唔同既句式，最基本既可以係Passive voice, Inverted Sentence, Reported Speech等嘅complex structure
背定句式增值詞庫點揀好？背晒到時用晒落佢就得？

想破解英文Writing背文迷思

延伸閱讀：【HKDSE English Paper 2】英文卷二作文技巧愈多字愈好？

DSE英文3. Listening

再到Listening，老實講英文Listening嘅Part A就真係改變唔到啲咩，啲字識串就識串，唔識就唔識，但如果你識串但唔記得左轉form或者tenses，咁就真係好唔抵喇。所以趕還趕，比你finalise個30秒真係一定要double check下有冇寫錯或者寫漏野！Part B嘅話，如果睇文唔係睇得快嘅人，開頭個5分鐘係一定睇唔切架喇！首先你地要sort好data file嘅邊版紙係for邊個task既，之後先係有幾快睇幾快！建議可以善用唔同顏色既highlighter去提醒返自己邊個point 係邊個task!

英文聆聽小錦囊

延伸閱讀：【HKDSE English Paper 3】英文卷三聆聽技巧

DSE英文4. Speaking

最後嘅一份卷，Speaking！英文卷四好講求自己臨場發揮同埋對手嘅發揮，正因為好睇即時反應，你平時可以練習多啲，習慣同同學或者家人，用英文係日常生活中對話，習慣用英文交談，提升語感，咁就唔驚考個陣太緊張講唔到野啦！
另外，考個陣唔好淨係掛住抄對方講左啲咩，因為係你專注抄個陣，你就會miss左好多respond嘅好時機！
記住Speaking考嘅係你嘅Interaction skills，並唔係你有幾多point同present到幾多出黎，你點樣去回應對手先係考嘅重點！所以放鬆心情，當入去同其他考生傾下計，大家發表下意見就得。同意就同意，唔同意就指出自己觀點，係冇對與錯之分架。千祈唔好淨係掛住望住自己張紙，要同人地有eye contact！

聽唔明考官問咩其實可唔可以改題目？

改題目會唔會扣我分？