端午節食粽

【端午節食粽】食到滯?仲有咩好食?四大食品介紹!

studentconversion
tutor registration

端午節起源相傳為左紀念愛國詩人屈原係戰國時代楚國既忠臣,但係被奸臣陷害,報國無門,只可以暗自憂心之後,係農曆五月五日( 端午節 )呢日,投江自盡。人民都紛紛划船去拯救佢,呢個就係端午節划龍舟既起源。人民又有感於他既忠誠,恐怕佢被大魚吃左,就用竹筒裝左糯米,做成粽子,拋入江入面,希望啲魚淨係食粽子,唔食屈原。後來改用竹葉包粽子,係端午節個陣食用,以為紀念屈原。直到今日,呢兩樣傳統都依然保留住。但除左粽,端午節仲有咩好食呢?就等Tutor Circle尋補話你知啦!


1. 綠豆糕

綠豆糕 係中醫學上,端午節正值瘴氣盛行既夏天,而綠豆糕有性味甘寒,無毒,有清熱解毒,祛暑止渴、利水消腫、明目退翳等功效,食左可以退火清熱,可以免受瘴癘之氣影響,所以大家都會係端午節食綠豆糕,適合一家大細係欣賞龍舟比賽既同時,作為小食以供大家消暑。

2. 鹹蛋黃

鹹蛋以新鮮鴨蛋為主要原料經過腌制而成既再制蛋,營養豐富,富含脂肪、蛋白質及人體所需既各种氨基酸、鈣、磷、鐵、各種微量元素、維生素等,易被人體吸收,咸味適中,老少皆宜。鹹蛋黃係涼性食物,係端午節食可以去痧消暑、有驅瘟解毒,避免褥夏疾病之效。呢個亦都解釋左點解粽入面會包鹹蛋黃啦!



3. 雄黄酒

雄黃酒就是用白酒、雄黃勾兌而成的酒,具有抗菌、解毒、除燥濕之功效。傳說屈原投江之后,屈原鄉下既人為左唔比蛟龍吃左屈原既遺體,紛紛張粽子、咸蛋抛入江中。一位老醫生攞左一壇雄黄酒倒入江中,話係可以藥暈蛟龍,保護屈原。過左一陣,水面真係浮起左一條蛟龍。於是,啲人張呢條蛟龍扯上岸,抽其筋,剥其皮,之后又張龍筋纏係小朋友既手腕同頸上,再用雄黄酒抹七竅,以為咁樣就可以令小朋友免受蟲蛇傷害。呢個就係端午節飲雄黄酒既由来啦。


Copyright © 2023 Tutor Circle 尋補. All rights reserved. 此文章未經許可,不得轉載。
Copyright © 2023 Tutor Circle 尋補. All rights reserved. 此文章未經許可,不得轉載。

4. 五黃六白十二紅

江浙人端午節必備五黃六白既菜色,藉以驅邪解毒、扭轉運勢。寧波人既「五黃」指既係黃魚、黃鱔、黃豆、黃梅、鹹鴨蛋黃;「六白」係指豆腐、茭白、小白菜、白條魚、白斬雞同白切豬。而杭州人既「五黃」則係飲雄黃酒、黃鱔、黃魚、黃瓜、鹹鴨蛋黃,表達驅邪解毒,扭轉運勢。「十二紅」既食法亦都係是江浙一帶流傳既習俗,即係十二道紅顏色既菜。其中紅莧菜係最不可缺既一道「長壽菜」。

總結

當代作家汪曾祺亦曾經寫過一篇散文,名為《端午的鴨蛋》,當中除左鴨蛋,作者都有講到係佢家鄉,端午節會食啲咩食物,有興趣了解多啲,就記得去睇下啦!

延伸閱讀:
【端午節】點止食粽咁簡單?5個特別應節習俗及節日禁忌

 此文章純屬 Blogger 個人分享,並不代表本網誌立場。
 

*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Circle 尋補 對信息或內容所招至的損失或損害,不會承擔任何責任。
端午節食粽
端午節食粽

尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言