【理科補習】4大自學技巧！唔使補習考好Phy Chem Bio！

Post author:banana bro
Post category:學術資訊
Post published:2019-01-08
Post last modified:2023-08-02

一提起理科補習，就會有很多人討論哪間補習社、哪位名師，但你有沒有想過，究竟理科是否需要補習呢？與其花大量時間去討論同試one day courses補不同老師，但其實有沒有諗過可以不依賴其他人？我們每個人都有能力去考到好成績。Tutor Circle尋補以下就會分享一些不用補習也可以考好理科的方法。

1. 睇Textbook

理科補習 - A lot of textbooks — 好多DSE名師比既key concept係textbooks都可以搵到。

好多同學都覺得textbook又冗長又多，讀textbook係一件好冇效率既事，其實呢個諗法並唔岩！一本textbook雖然大大話話都有成幾百頁，但相信當中好多都有重複，有啲係你本身就識既野，仲有好多廢話添！要讀textbook既話一定要有策略，揀一啲自己唔識既部份去詳讀同做筆記，唔好因為一啲自己識既野就略讀或者飛左去，因為理科黎講溫書既話最重要都係要搞清自己唔識既部份，唔好浪費時間去做你已經掌握左既野。

2. 做Pastpaper

坊間有不少DSE past paper的資源，有足夠既操練就已經可以理解晒所有名師的考試技巧。

Pastpaper既資源相信唔洗買上網都會搵到好多各個科目嘅pastpaper，再唔係你問你既老師都會肯借俾你睇，再唔係圖書館都會有每年既考評局出嘅pastpaper報告（DSE, AL, CE)，所以呢方面唔成問題。最重要係你識唔識得操，點為之識操呢，第一要操得有效，即刻做完你會明白左你一啲本身你唔識既野，如果你操完純粹真係感覺良好，有溫左書既滿足感但冇學過新野，咁就好明顯係冇效！一定要小心，好多操卷既學生都會跌入呢個陷阱，就係為操而操，其實成效不彰。第二就係要做得夠快，好快要load到邊啲要落手做，邊啲只係要望一望就識（冇錯呀！Pastpaper唔係真係題題要落手操架，對住一啲比較熟悉既題目只要望下marking scheme就得架啦！）只要你學到呢2樣野，我相信都會對你有幫助。

3. 買notes

理科補習 - cartoon notes — 唔少考完DSE學生都會將補習筆記低價賣出去。

好啦，即使你真係好需要名師既筆記，你都未必一定要去讀佢地既課程，坊間有唔少考完DSE既學生會將名師筆記整理好賣比人，或者如果有相熟嘅師兄師姐考完DSE都可以問下佢可唔可以賣俾你，咁樣你就會有晒詳盡既資料同埋手抄筆記，就可以節省大量往返補習社同上堂聽名師吹水既時間，專心留係屋企或者自修室溫書啦！

4. 請教其他人

私人補習除左時間地點靈活，更重要既係導師可以緊貼你既進度，針對改善。如果大家有補習的需要，不妨考慮搵Tutor Circle尋補幫幫手，經驗豐富，信譽良好，免費服務配對，為學生提供最優質的私人補習導師。

總結

何謂適當既時候呢？就係當你搵到自己有啲咩係唔識既時候，諗左好耐都諗唔到，前提你一定要有自己思考既過程，因為你冇用過腦之後去問人其實你真正學到既野唔多，而你係思考嘅過程中就會知道唔係嘅點係邊，所以點解好多人都建議我地要先預習老師教過既野就係同一個道理，你思考完唔明再去問，記憶就會加深好多！你可以去問你既老師啦、同學啦、或者搵Tutor Circle去請一個星級導師返黎比你任問唔嬲都得架！（根據資料統計，Tutor Circle超過90%高中科目尋補導師成績有5**及5*）

延伸閱讀：
【私人補習價錢 2023】最新私補價錢！5大因素影響收費！
【補習老師】找補習老師注意7大特質最多人忽略XX而中招
 【中學補習】補習費咁貴，但係貴得有冇價值先？

*此文章純屬 Blogger 個人分享，並不代表本網誌立場。

*此文章由 Blogger個人／編輯團隊分享並僅供參考，意見及內容並不代表本網誌立場，Tutor Circle 尋補對信息或內容所招至的損失或損害，不會承擔任何責任。