噢！加固期來了~
話說卡樂b 3個半月就開始標牙仔 (我個陣都嚇親😳咁快出！)，所以係4個月去健康院打針個陣，我問姑娘應該幾時開始加固，姑娘話只要bb表現配合就可以開始了 (我有追問咩叫表現配合，姑娘話如果bb對食物有興趣/可以坐係凳，就代表bb準備好了~)，我見呀仔4個半/5個月個陣開始識抓住物件，腰又夠直可以抱住/挨住坐，加上見到我地食野會好興奮，我就知呀仔佢準備好了…
一開始我地整左d 10倍粥比佢試 (10倍粥係一d好稀好稀既粥，米同水既比例大約係1:10，佢都食到幾啖。之後我地慢慢比佢試唔同類型既食物，有蘋果蓉/奇偉果（金奇異果）/香蕉蓉/蕃茄蓉/白蘿蔔蓉/紫心蕃薯蓉/牛油果/火龍果蓉，每一次佢試新野個樣都好好笑😂以下有d例子…

因為我地有興趣行BLW，所以我地暫時比佢嘗試左茄子/菜芯/南瓜，佢都食得幾開心既，但後續既清潔就…會辛苦d咁囉🙈😂其實我地都預左會好「撈餃」，但無估到原來會咁誇張🙈（地下有都預左，但佢抹到成面都係，又R頭…）

雖然佢食完之又要幫佢沖涼換衫抹地，做多好多野🤦🏻‍♀️但我知道BLW係可以訓練到佢手部既肌肉/眼口手協調，所以我地唯有辛苦d啦😖
今次既分享就去到呢度先啦~
另外亦都十級強力建議大家去埋我其他既social media度睇下啦，會睇到我地同bb互動既小片段的🤪
延伸閱讀：
【Playgroup有冇用？】2歲以下小朋友參加遊戲班5大貼士！
【抗疫親子活動】同小朋友日日喺屋企？4個在家活動分享！
【培養興趣】🎶 小朋友幾歲開始學音樂係最好？

Frida Lee

一個90後/鐘意拍片/貪靚既新手媽媽。歡迎係IG • FB • YouTube搵我啦~

留言