【全職老師私補】搵全職老師補習？！

Post author:城大小薯仔
Post category:小編分享
Post published:2019-01-04
Post last modified:2019-01-04

唔少中學生搵補習，都會搵翻讀過同一科嘅大學生補習，貪大家讀過同一科，又考過同類嘅考試嘛〜但有無諗過直程搵翻現職老師補習呢？Tutor Circle尋補話你知道又有咩、有咩唔好？

補習資源充足！

全職老師嘛，即係有係學校教書〜理應係可以攞到比大學生更多、更合適嘅教材翻黎補習用就算唔係學校教材都好而係自己出嘅，都會更貼近學校程度〜尤其是係小學嘅補習因為大學生好大機會都唔再清楚小學生嘅功課考試係點運作〜但作為專業嘅現職老師，如果係補翻相應佢係學校教書嘅年級，佢應該會更了解學生嘅功課考試需要〜提供到更貼近學生程度嘅教材所以呢一方面現職老師就應該比大學生優勝些小了〜
全職老師私補
（圖片來源：香港教育城）

專業教學模式！

絕大部分嘅大學生導師都無專業嘅教學經驗，可能對住百厭小小嘅學生都R晒頭，唔識處理做得現職老師，當然就有經過專業訓練！甚至有部分係有豐富嘅教學經驗〜所以suppose佢地係單對單或者小組教學之下，係可以更加focus地理解學生嘅需要，從而提供最適當嘅教學幫助學生解決問題！呢樣都係大學生未必提供到嘅〜
全職老師私補

一分錢一分貨

要買更好更專業嘅服務，就當然要俾翻相對較高嘅價錢啦〜所以要請現職老師，價錢都會比起請大學生高就以一個中四學生例，請一個大學生補習，大概係$140-$180，而請一個現職老師呢，就要大概 $250-$300所以大家真係要因時制宜取捨一下啦！
全職老師私補

【延伸閱讀】私人補習價錢2018 – 點先搵到合適嘅私補價錢？
【延伸閱讀】中一數學點學好 – 給家長幫小朋友準備3個建議

此文章純屬 Blogger 個人分享，並不代表本網誌立場。