Public Health 出路

【Public Health出路】公共衞生出黎真係做衞生處? Public Health出路全面睇

公共衞生,Public Health,JS4537,由中大醫學院開設既一門理學士課程。
呢篇文主要講CU Public Health 出路,想睇下中大Public Health讀啲咩、學啲咩、有咩出路都會一一講解,希望幫大家對中大公共衞生有更加深入既理解!港大都有開一課類似既科,Global Health and Development,JS6250Tutor Circle尋補今次就為大家介紹下Public Health嘅出路啦!
HKU Public Health 暫時只有Master既課程,Undergraduate想讀Public Health既courses就只提供比以下幾個major:


  1. MBBS students
  2. Bachelor of Pharmacy students
  3. Bachelor of Chinese Medicine students
  4. Nursing students
  5. Bachelor of Biomedical Science students

延伸閱讀:【HKU收分】2022香港大學收生要求及Jupas各科收生分數一覽
 

Public Health 學啲咩?

Public Health 出路 - What is Public Health
好多學生都聽過Public Health呢科,但對於讀咩就冇頭緒。

首先,隨着人類生活模式上既轉變,傳染病、慢性病、環境污染、食物污染、糧食問題等嘅呢啲議題愈嚟愈受到關注,因為上述既問題直接影響咗人類係地球上生存嘅安全同健康。
要解決呢啲問題,我哋需要有醫生、護士去保護我地嘅身體,同時都有研究人員、學者去研究醫藥同人類嘅身體細胞演變。
而Public Health就可以視為用一個宏觀角度去解決健康問題嘅學科,例如根據數據同病理分析,決定應變方案去控制疫情,好似之前嘅中東呼吸綜合症、豬流感、禽流感等,都需要能綜觀大局形勢既決策者,Public Health就係訓練一個能夠宏觀角度思考健康問題嘅人。
 



Public Health 出路

Public Health既思維除左可以應用係傳染病上,對於推廣公共衛生意識都有好大既用途。另外,睇返中大Public Health官方數據,有接近50%人係從事醫療相關行業工作,出路主要圍繞著健康、醫療、科研等,都算係做返自己本科相關既野,比起好多Science科目已經多好多選擇。
雖然唔算係一科專科,但係都有專業知識做返相應行業;26%畢業生繼續進修,如果唔想比科目知識局促左出路嘅話,再修一個專業都冇問題嘅,甚至讀返醫療專科好似牙醫、放射物理治療等,Public Health都會較其他非Science Major有優勢!
 


Copyright © 2022 Tutor Circle 尋補. All rights reserved. 此文章未經許可,不得轉載。
Copyright © 2022 Tutor Circle 尋補. All rights reserved. 此文章未經許可,不得轉載。

Public Health看似神秘,但仲有另一科差唔多嘅科,Biomedical Science 生物醫學科學,你又知唔知讀乜?

想知多啲 Biomedical Science

 

工種行業

1. 公營機構(醫療相關)

Public Health 出路 - Hospital
公營機構係唔少大學畢業生既首選,人工高,福利好,最重要就係準時收工。

首先,公營機構係唔少大學生嘅首選,入政府、衞生處、食環處等做一啲同公共政策有關嘅職位,亦都可以入醫管局(HA)做醫療相關嘅行政工作,好似宣傳、顧問、決策、研究、草擬立法等嘅工作,以及政府既政務主任(AO)、醫療主任(SO)等。
呢一類都係一啲競爭比較大嘅工作,因為無論薪酬定係生活都較穩定,如果能力夠嘅話,不妨試下考呢類型嘅工作,收入高,而且非常穩定。
 
渴望穩定嘅生活?有冇諗過做護士?精神科護士你又聽過未?

想知多啲 精神科護士

 

2. 商業機構(醫療相關)

其次,商業醫療機構通常係一啲藥廠、提供醫療服務嘅企業、私人醫院等,薪酬當然就因公司、職位而異,好難一概而論,比起公營機構,商業機構可能會有更大嘅壓力,始終要爭取業績、博表現等,甚至好多時未必係從事行政、研究既工作,而係去左銷售跑數,賣業賣機噉樣,而且好多時研究嘅方向係要跟住市場走,滿足需求,可能同Public Health服務全人類既理念有啲相違。
 
講起跑數賣機一定會諗起生物醫學工程!呢科前景究竟好唔好?

想知多啲 生物醫學工程

 

3. 非牟利機構 NGOs

仲有,好多提供社會服務嘅團體都係NGOs或者社企,佢地喺健康、醫療服務方面都有好大嘅需求,例如照顧SEN學生(Special Education Need)、老人院、殘障人士等,對於Public Health嘅學生嚟講,都算學科相關嘅工種。
NGOs既工作非常有意義,唔少人都希望能夠去世界各地幫助有需要既人。近年好多NGOs近年都大興其道行大健康嘅概念,重視醫療服務質素同生活質素應對人口老化,針對醫科生嘅需求不斷上升。而薪酬方面就因人而異,喺較出名既機構到做收入會比較好,香港NGO公司非常多,詳情可以睇下香港NGOs列表
 

總結

最後,Public Health真係唔算一科好專嘅科目,唔算好好揾工,但係由於具備係醫療方面既知識,喺人口老化嘅趨勢之下,加上全球化令人口流動急速上升,令到好多國家既健康問題會愈黎愈緊扣,相信對能夠運用社會、宏觀嘅角度分析健康議題嘅人才需求會愈黎愈大,喺未來大數據主宰嘅年代絕對有能力突圍而出!
 
延伸閱讀:
【三大BioChem出路】殊途而同歸?
【社工人工】Fresh Grad起薪過3萬? 誇大還是Overpaid?
 


*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Cricle 尋補 對信息或內容所招至的損失或損害,不會承擔任何責任。


尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言