呢個問題相信好多媽媽都苦惱，大部分意見都係話過左一歲先值得上，而jo媽讀教育出身，做教育呢行十幾年，都聽過好多不同意見，呢個月小jasmine六個多月大了，jo媽都想看看六個多月大的小bb上playgroup表現會如何😎
Playgroup內容係有一個主題，播音樂配合小道具，要小bb跟住做一d簡單動作。小jasmine的表現jo媽非常滿意，45分鐘課堂完全無喊仲坐定定，會地玩小道具，對音樂又有反應，有時會專注望住老師，jo媽好surprise🤣
其實幾大開始上playgroup jo媽覺得無一個必然之說，真係好睇不同呀b的性格發展，同父母對playgroup 的期望。
例如同班有一個比小jasmine大幾個月，但喊左半堂🤭咁如果呢類呀b一上堂就喊，應該要繼續俾佢上訓練到唔喊為止，還是等過一歲大少少再試？真係好睇父母對小朋友的要求和期望。
小jasmine只有六個多月大，jo媽只希望她可以接觸不同的人和事，讓她無咁怕陌生人，對課堂音樂和老師有反應就心滿意足了，意外發現她專注力都幾好，對每件小道具都好奇，對音樂也會手舞足蹈，同坐得幾定！但總是呆呆的，俾jo媽抱來抱去🤣
所以jo媽覺得六個月小寶寶上playgroup真係唔會期望學到好實在的知識，反而可以透過課堂多了解小朋友，再思考應該如何安排小朋友的課堂、其他活動或邊方面重點培養訓練☺️
延伸閱讀：
【Playgroup】想為孩子報讀Playgroup課程？先考慮3點！
【香港Playgroup推介】港九新界5間幼兒學前班介紹！
－－－－－－－－－－－－－－－－－－－－
👼🏻現正招募「親子Blogger」！你都想分享育兒資訊？
立即將1️⃣筆名、2️⃣FB/IG/Blog page及3️⃣個人簡介 send俾我哋！
按此👉🏻Email
按此👉🏻Whatsapp
記得註明【申請做親子Blogger】，可能下一篇就係你嘅文章啦！😍
－－－－－－－－－－－－－－－－－－－－
jo係80後的媽媽，有一個半歲大的女女小jasmine忙番工之餘喜歡同大家分享美食、生活和親子日常、打卡餐廳景點
