呀女已經14個月了，開始成日走走跳跳，最鐘意周圍行表現相當興奮，對每件物件事情都好好奇，愈叫佢唔好做唔好拎就愈要做😅呢個時候jo發現家居安全真係好緊要，已經舖了三塊軟墊係屋企原來都未夠，呢個月佈置屋企都花了點工夫，同大家分享一下🥰

1. 防撞軟墊減少硬物

呀b常常行到左搖右擺，又喜歡玩放喺電視下面的相架小擺設，也試過喺附近位置跌倒，所以jo喺電視下的雲石貼了防撞軟膠，以防止意外發生🥰另外呀b最近喜歡上爬枱底，但當站起時容易撞上金屬的枱邊枱角，jo也喺呢啲地方貼上防撞軟墊，以防佢撞親頭。

2. 圍欄封鎖危險區域

而家呀b鐘意跟住我地走，有時真的要入廚房煮食或洗碗，呀b就跟埋入來，最喜歡撳焗爐，叫佢企喺出面唔好入來係晒氣無可能聽😅但廚房對bb真係危險地下又滑，所以jo就聽取朋友意見喺廚房門口安裝了圍欄，諗住搞掂哂啦，點知呀b係會企喺門口瘋狂尖叫🙃jo又諗辦法應該要點做呢，老公就拎起磁石，教佢係圍欄玩，呀b瞬間覺得很有趣覺得好神奇玩得超開心！圍欄轉眼就變成佢其中一樣玩具！

3. 遊戲墊製造遊玩空間

搬屋時已買了張playmat，但擺喺bb房有點太大，門口處會突高左，jo就不以為然，但有幾次老公話小jasmine都畀playmat拌親跌到，話幸好個時playmat上無玩具無撞親，咁jo就張其中一格疊高，因為高左小jasmine常常想爬上書櫃，發現呢個設計唔可行。同佢鍾意爬要快啲買零件訂書櫃入牆🤦🏻‍♀️而家係折高左一格但調轉咗擺，令小jasmine 見唔到高咗一級，暫時好似ok要再觀察，如果又唔得jo媽放棄去訂造新playmat😞

4. 安全替代品避免意外

最近小jasmine 好鐘意坐，成日坐屋企張櫈仔又會企上去，又成日坐屋企ge梯級，其實有點危險，jo媽就買左張小梳化俾佢坐，佢開心到彈起🤣不過佢會用太多不同姿勢坐🤦🏻‍♀️所以一定要放係playmat上面，佢會成日坐坐下跌左落地都唔怕撞親🥰

就算我哋再小心，意外還是發生了，有一日playmat上佈滿玩具，呀b不小心踏上玩具跌倒，撞上木書櫃，即時嘩嘩大哭，撞瘀左塊面，雖然無大礙但都好無奈，不過呢啲一瞬間接唔住真係無辦法，playmat又無可能無玩具🤦🏻‍♀️所以bb房真的不可以有尖角位，好似今次最多係撞瘀，起碼唔會流血。

照顧bb真的要好花時間、心思、耐性，又要加啲創意，呀b每個月能力都不同，jo又係第一胎真係每日都在學習，但努力過後見到呀b發展不錯健康康開開心心，一切辛苦都係值得🥰

延伸閱讀：

【BB發展】出街、社交有助發展新技能！幼兒成長3大貼士！

【BB房】蒙特梭利式佈置！玩具擺放2個小貼士

【在家抗疫活動】10大親子遊戲及學習資源推介

Jo媽

jo係80後的媽媽，有一個半歲大的女女小jasmine忙番工之餘喜歡同大家分享美食、生活和親子日常、打卡餐廳景點

留言