好奇一問，各位爸媽當初係點處理bb嘅臍帶血㗎呢？🧐揾臍帶血庫公司儲起佢？捐比紅十字會？定係由佢無處理到？

而我呢，就係我開刀生卡樂b嗰陣成功將啲臍帶血捐左比紅十字會啦🩸點解當初我會咁決定？同點解我會話「成功」捐到？以下我就會一一講解比大家聽☺️

如何決定捐臍帶血？

首先要回帶到我陀緊卡樂b嗰陣，其實我一早就聽過可以儲啲臍帶血去臍帶血庫，因為間唔時就會見到啲明星出po講話揀左某某臍帶血庫來幫個bb儲起，等到時有需要就可以拎返出來用咁樣💬所以個陣我都有諗過點處理啲臍帶血…🧐

但因為我地唔係有錢人家，唔可能每個月用一大嚿錢去keep住啲臍帶血，再加上我覺得卡樂b係一個健健康康肥肥白白嘅bb來👶🏻，所以就唔考慮揾臍帶血庫。咁啱有一日我去公院產檢嗰陣見到紅十字會捐贈臍帶血嘅表格，當下我就覺得…係你啦✨🤣所以我地就決定將啲臍帶血捐咗佢👍🏻

而乜捐臍帶血都有分「成功」「唔成功」㗎咩？係有㗎！🔔因為紅十字會佢係開office hour嘅，所以佢只會喺office hour出動去收臍帶血，所以如果媽媽係凌晨時候生嘅，咁紅十字會就來唔到收。🔔另外建議如果各準爸媽係決定好會捐臍帶血嘅話，就早啲填好form交比醫院，等佢哋可以早啲通知紅十字會，因為如果生嗰刻先話想捐，紅十字會來唔切嘅都係捐唔成架！

今次就去到呢度先啦~
另外亦都十級強建議大家去埋我其他既social media度睇下啦，會睇到我地同bb互動既小片段的🤪

延伸閱讀：

【嬰兒用品】媽媽容易買多錯多？過來人分享選購3個貼士
【初生BB】未戒夜奶好難捱？過來人分享7個深夜湊B貼士

Frida Lee

一個90後/鐘意拍片/貪靚既新手媽媽。歡迎係IG • FB • YouTube搵我啦~

留言