呀b而家已經16個月了，最近聽好多媽媽都在討論，Playgroup點揀好？要上幾多playgroup?係邊到上？邊間好啲？不停在比較，jo覺得每個小朋友的情況能力同家長要求都不同，只要搵到自己覺得最適合就可以了！

1. 一星期要上幾多堂playgroup先合適？

Jo覺得係因人而異，我就安排呀女一星期上三至四堂，主要係唔想日日呀女係屋企只對住工人姐姐，jo係working mum雖然工作彈性，通常都會有大半日唔係屋企，呀女去上堂玩下可以聽下英文和普通話，又可以接觸不同的小朋友，學習下同其他人相處，其他日子就在家休息，或叫婆婆帶去公園（始終唔放心成日姐姐一個人帶去公園），自己一有時間都會帶佢四處走走！

2. 上邊間playgroup好？

坊間playgroup真的有好多，上咗半年左右都有少少心得，每間playgroup都會有人話好同唔好，最緊要係家長清楚自己上playgroup的要求，想小朋友係呢到學到得到d咩！

2.1 學術型playgroup

有d重視學術教規矩，jo係有上這類型playgroup，上堂係學聽指令，排隊，要坐定聽故仔，會教數1234、動物、形狀等，每星期都會有主題，小jasmine 上完真係會乖乖坐定，聽指令方面真係有大進步👍🏻而jo媽覺得呢啲好難自己教，都係課金俾出面老師教！

2.2 Freeplay型playgroup

有啲playgroup freeplay時間較長，jo都有安排小jasmine一個月有一兩堂，呢類型就岩慢熱要warm up好耐的小朋友上，小jasmine 雖然唔係呢type小朋友，但我安排原因係價錢同playhouse差唔多，又有外籍老師同呀女講下英文，又係樓下好方便，叫姐姐帶上堂媽媽可以metime 🤣

2.3 Messyplay型playgroup

➡️有啲係專玩messyplay playgroup，jo媽都有一個月排一兩堂，小jasmine真係好鐘意玩🫠呢個年紀係要多接觸不同質感的東西，其實messyplay唔係一定要join，自己係屋企都可以俾顏色、麵粉、意粉、水佢地玩，但一諗起要清潔jo媽頭痛了，都係俾錢出去玩🤣

2.4 肌肉發展型playgroup

有啲係專訓練小朋友的大小肌肉發展的playgroup例如my gym，好多人都讚不絕口，但jo上左一堂就無join了，原因係小jasmine呢方面發展不錯，而家已經又識跳又四圍爬仲會奔跑，加上樓下就係公園，自己勤力啲帶佢落去跑下跳下我覺得就足夠了

2.5 升學型playgroup

有啲playgroup係上左會容易入心儀的n班，例如tt/artplus/pebbles，無論幾貴都好多人排隊waiting list超長要有排等，如果想入呢類型學校就乖乖去排隊！

總結

呢個年紀最緊要係多出去看看外面的世界，多同其他人接觸，無話一定要上幾多堂先係好，

如果ftm我覺得自己多帶去公園、户外、playhouse，約play date，自己準備教材有耐心自己教，仲可以約其他小朋友一齊上，其實比上好多堂playgroup更好！

延伸閱讀：

【Playgroup初體驗】Playgroup試堂好唔好？課程有咩特別？
【Playgroup點揀好？】想幫BB報學前班應該點部署？留意這5項！

Jo媽

jo係80後的媽媽，有一個半歲大的女女小jasmine忙番工之餘喜歡同大家分享美食、生活和親子日常、打卡餐廳景點

留言