呀b開始長大了已經一歲半，精力充沛成日四圍跑跑跳跳，真係要帶佢多啲四處走走放電，Jo去過幾個地方都好岩細b去，仲要係免費😍全部係新界西🥰等我逐一介紹新界西親子好去處：

🌟元朗：元朗市鎮公園

位於水邊圍輕鐵站旁，一落車行幾步就見到公園仔，平日上午係無人勁正呀b玩得好開心😁地方好大，拖住呀b慢慢行四圍睇好舒服，有一大片草地最可惜無帶野食來野餐！仲有小爆布，亭和湖好優美的環境🥰最正可以帶呀女去百鳥塔睇下雀仔，不過佢第一次見咁多雀仔有啲驚😂

🌟屯門：屯門公園

而家無左大媽唱歌，就變番小朋友天地😌好有名的共融公園點都去朝聖下，真的滿大sir滑梯都有幾條！好多玩樂設施，不過Jo星期日下午去人真的好多😮‍💨幸好只係遊樂場多人，其他地方人唔多四圍行好舒服！呀女好喜歡係湖畔睇魚魚和烏龜🐢，睇左好耐😆下次要去埋爬蟲館！

🌟 屯門：Namco

呢間有好多分店，Jo 就去左屯門市廣場分店，除咗遊戲機部份，入面仲有個playhouse！一歲半係唔駛錢入去好抵！大人就幾十蚊（我都唔太記得），最正係有得坐巴士，仲有好大個area係煮飯嘅，仲有啲屋仔勁得意，我玩完一個鐘再喺出面坐吓車仔，已經放晒電正

🌟荃灣：荃灣廣場

呢排好hit新開幕，位於荃灣廣場5樓，好大呢係佔地三萬呎的户外公園，彩虹主調好colourful，都有好多野岩細b玩，例如攀爬嘅設施、千秋、搖搖櫈，好喜歡有個敲擊樂嘅位置，彩色可以敲打唔同嘅聲音！

🌟荃灣：愉景新城

係好有名的親子商場！一入商場四處已經有好可愛的公仔打卡！商場入面鯨魚公園係免費的，有個大大鯨魚打卡！仲有遊樂設施，呀b最愛搖搖櫈、打鼓同sir滑梯。玩到攰去左對面梨泰院食韓國菜，野食好好味又有highchair對呀b好好👍🏻中庭有個大草地好多時都有活動俾小朋友玩！呢個商場親子配套好好，例如有兒童戲院、NAMCO、Asobi Park、親子餐廳等，足夠玩全日！

總結

照顧呀b真係要花好多心力時間金錢，當大家想帶小朋友去玩又唔想駛咁多錢嘅時候，希望我的分享可以俾到idea大家🥰

延伸閱讀：

【親子好去處】一歲bb迪士尼攻略！遊樂設施／表演節目／注意事項！
【親子好去處】一次玩盡世界兒童日嘉年華／早鳥優惠大放送！
【親子好去處】鞍山探索館！帶你認識鐵礦業歷史／搜羅3大活動亮點／發掘特色美食

Jo媽

jo係80後的媽媽，有一個半歲大的女女小jasmine忙番工之餘喜歡同大家分享美食、生活和親子日常、打卡餐廳景點

留言