大家記唔記得之前我講過我唔係n班/playgroup呢一派既家長來既…我要反口啦🤣 (女人真係善變🙈)。因為我係度諗，如果卡樂b一來就直接3歲上幼稚園，我驚佢會崩潰暴走😵‍💫 (雖然我知就算有無讀n班，一到返學要離開爸爸媽媽，9成小朋友都會暴走🤦🏻‍♀️)。我唔想卡樂b一下子要經歷咁激進既情形，加上佢都差唔多20個月，要開始ready返學，所以我地決定報一個分離班(仲有分本地班同雙語班添，都幾多元化~)，等佢可以循序漸進咁慢慢準備進入幼稚園既生活。

1. Playgroup VS 分離班

但有一個問題既係，因為始終卡樂b無上過playgroup，唔識咩叫上堂，亦都唔知原來要聽老師既指令，而如果直接跳上去分離班，我驚佢會消化唔到又暴走😂所以學校就建議我報一期playgroup，係呢一期playgroup入面滲d分離既元素，之後再銜接上去分離班，一來對卡樂b會好d，二來對老師都會好d😙 (唔洗處理一個暴走既小孩🙈)。

2. 點揀Playgroup?

而我既揀playgroup既唯一大前提，就係要近屋企，要夠方便☝🏻！因為平時得我湊卡樂b，爸爸都驚我一個湊上湊落會辛苦，所以佢特別揀間近屋企，行路可以到既學校，咁就唔洗經歷舟車勞頓。因為我地覺得，未去到小學中學，都未需要好認真揀(意思係校風呀band幾個d。因為我地認為，如果卡樂b係讀到書既，去邊間學校，咩環境都可以讀到，加上我地又無咩特別要求佢要去名校個d，只要佢唔好學壞，做個好人就得👌🏻)。幼稚園呀playgroup呀n班呢d都仲係happy school階段，我地覺得間間都差唔多，所以呢個時候我都就會著重係地點，近唔近屋企去揀。

來緊星期四就第一堂playgroup嚕~唔知卡樂b到時會點呢🙈
今次就去到呢度先啦~
另外亦都十級強建議大家去埋我其他既social media度睇下啦，會睇到我地同bb互動既小片段的🤪

延伸閱讀：
【嬰幼兒玩樂精選】真人實測！盡享玩樂設施！
【親子Podcast】親子生活趣事分享電台—— 「👩🏻飛達媽與卡樂b👶🏻」

Frida Lee

一個90後/鐘意拍片/貪靚既新手媽媽。歡迎係IG • FB • YouTube搵我啦~

留言