呀女已經兩歲多，8月開始上n班了，呢個時候好多人都俾子女上分離班，Jo媽真係1516，要唔要俾佢上好？

.

而家趨勢大家都好早安排小朋友上不同的堂，呢個年紀好多人就話一定要上分離班，否則到n班就唔適應，大家都咁講，Jo媽就幫小jasmine報左試堂分離班，即俾學前兒童學習獨立，一個人上堂

.

而家小jasmine其實好痴住我，如果係外面，我行開一陣已經四圍搵我，搵唔到我就爆喊。咁第一堂如我所料，唔俾我講bye bye，我堅持要走就喊唔停，喊左15分鐘我就放棄了陪佢一齊上，真係會唔捨得咁樣喊，其實咁細小朋友，去到陌生環境一定會驚，呢個時候當然想最親近的人係身邊

.

之後我就無再報分離班了，反而報左畫畫班，小jasmine 好聽老師，乖乖坐係到畫畫和整勞作，我坐在遠處，有時會出去廁所再番來佢都無喊！

.

另外平時上開親子班的學校有半分離班，2個鐘入面，有半個鐘係自己入班房獨立上堂，其他時間都可以家長陪上，小jasmine 第一次都好叻自己上左15分鐘先開始喊搵我🤣

.

我覺得每個小朋友性格唔同，可能有啲小朋友一開始分離ok，但有啲小朋友真係未ready，如果未ready強迫佢番學分離，令佢爆喊有點太殘忍。我的做法係慢慢來，可能首先令小朋友熟悉左環境和老師，令佢有多啲安全感，才慢慢試下行開一陣，ok再慢慢加長分離時間，Jo媽用呢個方法覺得幾好，小jasmine已經可以分離到約30分鐘！

.

其實每個小朋友步伐都唔一樣，性格又唔同，如果而家做唔到，又不用太緊張，我覺得兩歲始終有點細，害怕一個人係陌生環境係正常的，剛收到通告8月開學n班頭一個星期家長都可以陪上堂，Jo媽都放心，相信頭一個星期熟悉左學校新環境和老師，jasmine可以學習自己獨立上堂🥰

Jo媽

jo係80後的媽媽，有一個半歲大的女女小jasmine忙番工之餘喜歡同大家分享美食、生活和親子日常、打卡餐廳景點

留言