【SU福利申請】5大學生會優惠申請注意事項！

Post author:小雲
Post category:小編分享
Post published:2019-05-17
Post last modified:2022-08-30

中學時期，最青春最熱血嘅回憶係咩？當然係同成班好朋友一齊搞SU，為左學生會仆心仆命，服務同學。各位候選內閣係準備與友閣競爭嘅時候，當然要R多啲sponsor返黎，為同學們爭取多啲福利同優惠。Tutor Circle 尋補就為大家準備左啲搵SU Sponsorship之前要留意嘅事，希望可以幫到各位勞苦功高嘅學生會內閣。

了解尋補 Sponsor詳情

1. 重量不重質？

有睇過學生會嘅福利list都應該會有一個印象，就係水蛇春咁長！中間其實有好多都用唔著或者唔會點用到，再唔係就根本冇心機睇，都唔知自己可以享有咩福利同優惠。R得愈多優惠返黎當然望落梗係愈勁愈威啦，但係搞學生會嘅原意應該係為同學爭取福利，即使搵到好多sponsor返黎，但大部分都唔係同學可以用得到或者經常可以享用嘅，咁個初衷就有少少冇左喇。所以搵Sponsor嘅時候亦應該要考慮同學係咪真係可以從中得益，與商戶互惠互利。

Tutor Circle都有為各學生會開放優惠比大家申請，包保大家用到之餘又有得著！

WhatsApp問下有咩優惠

2. 加唔加入學生會聯盟？

而家好多學生會會自發組織區內中學嘅內閣，成立一個該區嘅學生會聯盟；甚至有大型到全港學生會嘅聯盟組織，意在可以爭取多啲福利，無論係地區上定係種類上都更廣泛，亦較容易向一啲較大型嘅連鎖集團申請優惠。而且咁多中學嘅學生會一齊聚埋一齊，亦可以方便搞一啲聯校嘅活動，促進唔同學校嘅交流，識多啲朋友仔，擴闊社交網絡。

3. 同店家溝通好

有時學生會冇同商舖溝通清楚，有啲優惠唔係時時有，又或者係受某啲條款限制，呢啲全部都要同店家溝通清楚，仲有個優惠要點樣先用到等等，最好就白紙黑字寫清楚，簽埋份合約就萬無一失啦，最緊要保障返雙方嘅權益！如果個優惠唔係就咁就用到，例如要買滿指定金額先用得，又或者買指定產品先用得，呢啲都記住要列出黎同你嘅同學講明，廢事大家有啲咩誤會。