【IB上門補習】讀IB唔駛補習？入嚟話你聽IB私補嘅好處

係香港，要數而家最多人考嘅大學試莫過於DSE同IB啦。但係你又知唔知其實IB係讀乜嘢呢？讀緊IB嘅你哋想搵補習係咪發現選擇不多呢？想知多啲IB同埋IB上門補習嘅就同我哋TutorCircle 尋補睇真啲啦。

IB 國際文憑大學預科課程（International Baccalaureate Diploma Program）

IB係一個兩年制、對象為16至18歲學生嘅大學預科課程，廣泛被世界各所大學認可。要考IBDP，學生必須係IB學校學習。學生從六類科目，包括語言和文學研究、語言習得、個人與社會、實驗科學、數學與計算機科學、同埋藝術中選取6項科目，然後要完成相應嘅評估。仲需要完成三項核心科目，即係CAS(Creativity, activity, service)、TOK(Theory of Knowledge)同埋EE(Extended Essay)。

各科目嘅成績通常透過內部評估同埋外部評估兩種評估方式決定。每門學科係課程結束之後往往會包括二至三份限時筆試並且計入外部評估。內部評估則因學科而異，有可能通過口頭展示、實驗任務或者係寫作等方式進行。一般內部評估先由任課老師評分，隨後由指定的外部審核員（Moderator）進行確認或必要嘅調整。學生可以在IB中得到最多45分。所以我哋成日聽到嘅IB狀元就係指個啲考到45分嘅學生啦。

IB上門補習

Harrow International School: Developing Tomorrow’s Leaders
圖片來源
因為香港主流中學普遍都係以開辦DSE課程為主，所以坊間無論係小型定係大型嘅補習社，都係以教授DSE課程嘅科目為主。加上DSE同埋IB嘅科目考核範圍差距較大，IB更加冇可能報讀DSE補習班「頂住先」。不過唔使驚，大小型補習社冇乜選擇嘅話，不妨留意下使用上門補習。
其實我地TutorCircle 尋補都有好多專業IB補習老師㗎

1.學科組別(Subject groups) 補習

圖片來源
subject group嘅補習同DSE嘅學科補習大同小異，補習導師都係會同學生拆解每科嘅題型，同埋提供相對嘅paper比學生操練。大型補習社嘅所謂名師係IB補習方面嘅選擇較少，普遍連鎖補習社都係得一兩名IB補習老師，不禁令人覺得佢哋冇心經營IB補習呀。而小型IB小組補習社價錢偏貴，熱門嘅補習社又成日full，上門補習可以話係一個比較cost effective嘅方案。上門嘅IB補習價錢一般落喺$170－$400一堂，比起動不動就$700幾至過千嘅小型IB小組補習社來得划算。

你可能覺得讀得IB都唔差在果一萬幾千啦。但係，私人補習嘅另外一個好處就係導師自己本身有嘅source啦。一間有名氣嘅補習社無論係DSE定係IB，有時真係一位難求，有錢都讀唔到。例如Hkexcel Education Centre 港傑教育，佢哋係上年就出咗11個45分嘅IB狀元，係唔少家長同埋IB Students選擇補IB嘅first choice。因此，今年嘅學位好有可能已經好full。而好多IB嘅私人補習老師都係讀IB出身，以前讀書儲落嘅補習社就係佢哋最佳嘅資本啦。一個好彩，搵到一個以前學生時期去補習經驗豐富嘅導師嘅話，輕鬆攞到幾間名牌補習社嘅notes真係唔再係夢！

2.拓展論文 (Extended Essay) Consultation

© International Baccalaureate Organization 2009
圖片來源
除咗Subject groups補習，補IB仲可以做EE Consultation。冇錯，學校係會安排teacher做你篇essay嘅tutor，但係tutor有無heart幫你check你篇essay又係另一回事啦。如果你心入面覺得學校tutor廢廢地，不妨換個私人tutor同你check check 你份EE有咩問題需要improve。如果真係有需要私補，可以同我哋TutorCircle 尋補查詢一下，了解一下都無妨。

總結

IB成日比人話無DSE咁難，各位IB student真係有苦自己知呀。雖然話就話IB同DSE唔同，無咁填鴨式教育，但係無可否認subject group嘅科目少不免要操練㗎。如果係學業上真係遇到咩問題，有時補習都真係一個option。

如果大家有IB補習的需要，不妨考慮搵TutorCircle 尋補幫幫手，經驗豐富，信譽良好，免費服務配對，為學生提供最優質的私人補習導師。

【延伸閱讀】報考TOEFL托福要做什麼準備？一篇文帶你理清TOEFL考試
【延伸閱讀】【海外升學】香港IB學校一覽
【延伸閱讀】【學校資訊】國際學校小學知多少？

此文章純屬 Blogger 個人分享，並不代表本網誌立場。