You are currently viewing 【DSE】DSE延期一個月應該要點樣面對?又要注意啲咩?

【DSE】DSE延期一個月應該要點樣面對?又要注意啲咩?

studentconversion
tutor registration

DSE宣佈延期一個月,取消中英文科口試。雖然咁樣嘅安排打亂咗咁多位同學嘅計劃,但為大家嘅健康着想,呢個係迫不得而嘅選擇。既然無法改變現況,我地就要好好面對。咁究竟點先可以好好準備?又有啲咩改咗?今日就等我地Tutor Circle尋補話你知啦!

封面圖片來源
 



 

 
因為取消咗口試,所以考評局嘅中英科嘅分卷比率亦都有所調整。於中文方面,原本口試嘅14%被剷除,卷一、卷二由本來嘅24%升至28%,卷三就由本來嘅18%升至20%,而校本評核SBA嘅20%亦升至24%。而英文方面,除左取消咗口試嗰10%,各分卷嘅比率就冇調整,但SBA就由15%升至25%。各位同學要留意,好好調整温習策略啦!
以下附上考評局嘅詳細文件:
中國語文科:
http://www.hkeaa.edu.hk/DocLibrary/HKDSE/Subject_Information/chi_lang/2020hkdse-c-clang-PlanB.pdf
英國語文科:
http://www.hkeaa.edu.hk/DocLibrary/HKDSE/Subject_Information/eng_lang/2020hkdse-e-elang-PlanB.pdf
 
 

  • 考試時間表更新


DSE延期一個月並唔係整個時間表往後移,考評局做出左唔少嘅調整,例如第一科考嘅主科變成通識科。考評局亦表明唔會重新派發準考證,所以各位考生謹記要仔細睇清楚新嘅DSE時間表,根據唔同嘅卷別去啱地方考試啊!
以下就係完整嘅更新版考試時間表:http://www.hkeaa.edu.hk/DocLibrary/HKDSE/Exam_Timetable/2020_DSE_Timetable.pdf
 



  • 重整温習策略


圖片來源
 
雖然冇人中意被人打亂計劃,但改變唔到事實就要改變自己。DSE時間表重整同分卷比率調整就意味住各位考生要重整自己嘅温習策略。首先第一步就係要準備一份好嘅温習時間表啦!趁多咗一個月時間,同學絕對可以追返嚟!將先前未達到目標嘅科目梳理好,針對自己較弱嘅嘅部份進行操練,例如係文言文等等。由其是而家冇咗卷四拉分,小編強烈建議各位作多啲文俾老師改,有Level 5以上嘅同學可以保持狀態,做到盡善盡美;之前冇咁好嘅同學就可以急起直追,搏盡無悔。而做時間表嘅秘訣就係要有適當嘅休息時間,每二至三個鐘就要有10-15分鐘休息,如果唔係專注力就會遂漸下降,温習效能大減!要提醒同學一點,因為DSE延期,各選修科同主科相隔唔幾耐就要考,所以各位同學係呢段時間一定要預留時間温習選修科,避免到時臨急抱佛腳!
 


Copyright © 2023 Tutor Circle 尋補. All rights reserved. 此文章未經許可,不得轉載。
Copyright © 2023 Tutor Circle 尋補. All rights reserved. 此文章未經許可,不得轉載。
  • 重整心態


圖片來源
 
所謂一鼓作氣,再而衰,三而竭,DSE延期可能會令同學仔洩咗道氣。但係一日未到終點,呢場比賽都唔會完。邊個放棄就等於提早退出比賽。小編作為過來人都好明白DSE之前會面對好大嘅壓力,延期將呢個地獄繼續延長,各位同學一定好辛苦。但DSE除左考知識之外,更重要嘅係考緊考生有冇堅定嘅心。延期一個月,唔少同學可能會急起直追,如果你係呢個時候停低,就可能會被人越過。DSE係一場耐力戰,堅持到最後就係勝利。所以各位同學,係呢一個月時間要咬緊牙關撐埋落去啊!
 
 

  • 總結

 
以上係小編整合嘅資料同建議,希望可以幫到大家。除咗以上建議,係Tutor Circle尋補上面揾一個合適嘅私補老師都為你指點迷津都不失為一個好辦法。各位同學,唔好再怪責自己錯過嘅時間啦!好好把握機會改變未來啦!
 
 
此文章純屬 Blogger 個人分享,並不代表本網誌立場。
 
【延伸閱讀】十二篇範文要背曬?範文速成備戰攻略
【延伸閱讀】咪做大哂鬼!英文卷「惜」用指南 – 英文閱讀理解篇
 
 

想追返學校進度?TutorCircle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle
 
ž世代修辭手法Ocamp
英文補習上莊中文English英語補習
議論文SLP smaple 補習網數學補習
大學五件事綜合格式
 
 

*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Circle 尋補 對信息或內容所招至的損失或損害,不會承擔任何責任。


尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言