移民日本

【移民日本】點樣移民去日本?3大移民方法條件有何不同?

近年移民變成咗熱門話題,相信大家都有睇過唔同嘅移民資料。香港人咁鍾意去日本旅行,唔知大家有冇諗過移民去日本呢?想知點樣移民去日本?移民去日本又有咩條件?即刻跟我哋 Tutor Circle尋補 睇下3個移民日本嘅方法、條件,以及如何取得日本嘅永久居留權啦!


移民日本條件

移民日本
移民日本要分三個階段圖片來源

如果要移民日本,係要分三個階段先可以成功移民。第一,你要先攞到長期居留簽證。然後再將長期居留升級到永久居留,攞得永住簽證。最後滿足居留條件,就可以入籍日本,成為日本公民。而以下小編我就會介紹3種獲得簽證嘅方法。

移民日本方法1:工作簽證

移民日本
工作簽證嘅申請人要通過日語能力考試圖片來源

工作簽證嘅申請人要通過日語能力考試 ,並有N4 以上嘅資歷。如果想豁免日語能力考試,可以試下日本嘅「特定技能」簽證,「特定技能」簽證接受包括護理、農業、漁業、餐飲業等從事14種行業嘅合資格人士申請,申請人只需要接受特定技能評價測驗,無一定嘅學歷要求,只需要通過測驗就可獲得資格。而如果通過較高嘅技能測驗,攞到「特定技能2號」,喺完成三年實習後就豁免日語能力考試。呢一類簽證最長居留期係4年,而且係冇家屬簽證嘅。



移民日本方法2:高度人才簽證

移民日本
高度人才簽證可為配偶申請工作簽證圖片來源

如果你符合以下條件,咁申請呢一款高度人才簽證就會比較適合你啦。高度人才簽證係一個專才計劃,希望可以吸納多啲唔同嘅人才,而呢類簽證比工作簽證審查得更快。如果你係高度學術活動、高度專門技術活動或高度經營管理活動範疇中達到一定水平嘅專才,又或者係「外國高度人才配點表」中達到 70 點以上,就合符條件申請簽證。而呢一種簽證可以為配偶申請工作簽證。


Copyright © 2022 Tutor Circle 尋補. All rights reserved. 此文章未經許可,不得轉載。
Copyright © 2022 Tutor Circle 尋補. All rights reserved. 此文章未經許可,不得轉載。

移民日本方法3:經營管理簽證

移民日本
申請人需要20 歲或以上,係日本創業並投資 500 萬日圓、收購日本公司。圖片來源

經營管理簽證係一種類似投資嘅簽證。申請人需要20 歲或以上,係日本創業並投資 500 萬日圓、收購日本公司。申請人需要係日本有明確固定的公司地址。選擇投資一啲有經營成份嘅物業,都可以取得經營管理簽證。呢類簽證嘅居留期只係得一年,如果續簽,就需要滿足以下條件,包括無不良記錄、公司運營正常、收入可支持留日生活嘅證明。
延伸閱讀:【中大日研】深度認識「第二鄉下」?——JS4068日本研究

永久居留權

移民日本
攞到永久居留權就要喺日本連續居住10年以上圖片來源

以上嘅簽證都唔可以攞到日本嘅國藉,如果想攞到永久居留權就要係在日期間表現良好,守法,並具有足夠嘅資產或技能水平。而且要喺日本連續居住 10 年以上,當中 有 5 年必須以工作簽證或居住簽證居留日本,唔可以連續離境日本 3 個月,1 年之內亦不能離境日本超過半年。如果你係擁有日本永久居留權者嘅直係親屬,喺滿足一定條件後,都可以獲得永久居留權。如果係上述人士嘅父母,就須在日本居滿 5 年;如果係配偶,就需要滿足結婚 3 年以上,同係日本居滿 1 年嘅條件;如果係子女,就需要係日本居滿 1 年。

總結

如果你鍾意日本文化,日本都係一個唔錯嘅移民之選。希望以上嘅日本移民資訊幫到你啦!不過旅行同定居就好唔同,最緊要係適應到啊。
延伸閱讀:
【美國移民】點樣移民去美國?5個移民方法及條件一覽
【美國簽證】最新美國簽證申請全攻略
【緊急入台證】落地先發現冇搞台灣簽證 唔通要原機折返?


*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Cricle 尋補 對信息或內容所招至的損失或損害,不會承擔任何責任。


尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言