【動物森友會】Switch! 全城瘋動物森友會！到底賣大頭菜有咩好玩？

Post author:Estherccy
Post category:小編分享
Post published:2020-06-24
Post last modified:2020-06-24

早排因為疫情嘅緣故，大家都無奈留喺屋企無所事事，煮下飯、打下機咁。呢個時候，全城突然間掀起左一股動森潮！由Switch推出嘅動物森友會，成為至hit嘅遊戲，周街個個都喺度賣大頭菜，一時之間，部switch同隻game都賣斷市。到底動森有咩咁好玩，快啲同Tutor Circle尋補一齊睇下啦！

動森其實係玩啲咩？

每個人都可以砌屬於自己嘅無人島

圖片來源

《集合啦！動物森友會》係由日本任天堂研發嘅生活模擬遊戲，玩家所參與嘅角色參與左一個「冇人到移居計劃」，係一個荒島入面展開全新嘅生活。

喺遊戲入面，玩家可以收集樹枝、石頭、冠等嘅材料做出唔同嘅道具，呢一啲道具有各自嘅功能，例如製成釣竿就可以釣魚，捕捉唔同嘅魚類、昆蟲或者化石，捕捉到嘅物品可以選擇售賣，裝飾無人島，或者送俾博物館。

另外，完成系統任務就可以獲得里數，里數可以用來兌換唔同嘅商品，例如服裝同埋道具。隨着達成唔同嘅成就，就可以解鎖更加多嘅功能，例如博物館、橋樑等等。

動森到底有咩咁好玩

動森一度被炒貴3成！

圖片來源

遊戲空間大，激發玩家創意

動森有好大嘅自由度，容許玩家盡情發輝創意同埋美感，玩家可以用自己收集返嚟嘅道具同裝飾品，決定點樣建立自己嘅島嶼。玩家甚至可以透過設計功能，將現實生活中嘅物品帶入遊戲世界中，令玩家有無限個可能。小編嘅朋友甚至將現實生活中嘅Band房搬咗入去動森入面，你用連線功能，同Band友喺遊戲入面夾band，另有一番樂趣。

在地中文化

動森係一隻講求交流嘅遊戲，遊戲入面嘅預設角色，會帶領玩家發掘唔同嘅功能，動物居民根據佢哋嘅個性亦都有唔同嘅台詞，另外配合時段季節嘅變化以及隨機性，同玩家有唔同嘅對話內容。

而《集合啦！動物森友會》其實喺香港任天堂首次中文化動物森林系列，明顯睇得出發行商落足心機中文化角色嘅台詞，係翻譯過程中保留對白嘅韻味，令玩家更加有親切感。

獨特個性化

動森為咗強化個人差異，遊戲入面嘅隨機性亦都好高，從而促進玩家交流。每一個島都係隨機自動生成，特產嘅水果亦都唔一樣，所以之前大家先會喺社交媒體上面不停咁樣問唔同嘅島用幾多錢去收大頭菜，正正就係因為每一個島嘅設定都唔一樣。玩家被鼓勵同其他人互相交流，多啲去人哋嘅島嗰度玩，喺疫情下，咁樣嘅互動其實已經好難能可貴！

總結

動森睇落雖然係一隻平平無奇嘅模擬遊戲，但其實需要玩家做大量嘅功課，掌握遊戲入面嘅小橋妙，先會更加有成功感。雖然而家熱潮稍退，但係仍然不乏忠實玩家，趁住而家價格稍為回落，之前未能夠成功入手嘅朋友不妨而家試吓開始玩啦！

此文章純屬 Blogger 個人分享，並不代表本網誌立場。

【延伸閱讀】課外活動要點揀？報興趣班前你要考慮嘅三件事
【延伸閱讀】孩子參與興趣班的好處，百足咁多爪，還是周身刀無張利？
【延伸閱讀】補習當兼職，搵唔搵到食？3個補習兼職的原因

想追返學校進度？Tutor Circle尋補有超過35,000個三大導師，最快兩小時幫你搵一個優秀既上門導師！

想搵一個合適既私補老師

DSE讀得咁辛苦，想活用知識黎賺下外快？

想搵好多好多私補學生

緊貼尋補 Blog、Facebook同Instagram，想尋補？搵Tutor Circle！

Z世代修辭手法 Ocamp
英文補習上莊中文補習議論文
 slp smaple 補習網數學補習
 大學五件事綜合格式