講起Big 4，唔少人都會諗起四大會計師事務所。冇錯，根據維基百科，Big 4系指四家最大既國際事業服務網絡，由二戰後既八大會計師事務所多次合拼而成。係大學，唔少讀business 既學生都想去Big 4度做全職工作，覺得佢哋既薪酬好好。話咁快讀year 4既 business 學生就黎要畢業，為自己既將來打算。如果你打算去Big 4做嘅話，呢篇文可能會幫到你。究竟係Big 4做全職係唔係筍工？入Big 4做之前有咩需要考慮？今日Tutor Circle 尋補嘅小編就同大家睇吓啦！
延伸閲讀：【Big 4】Business 學生嘅夢想：全球4大會計師樓一覽
 

入Big 4做之前有咩需要考慮?

1. 人工

第一，人工，當然想搵多啲人工，減輕屋企嘅負擔，但係系Big 4度工作人工係唔係一定唔差呢？而家疫情反覆，好多企業都會「凍薪」，甚至要開源節流，會裁員，更加唔好講加人工。所以各位準畢業生要考慮吓究竟係Big 4工作係唔係真係比到你想要嘅人工？會唔會達唔到你既期望呢？另外，Big 4人工係按職級調整，部分員工既人工因為今年經濟不景，而維持不變。因此，小編建議大家要揾定資料，睇吓邊間公司既薪酬最符合自己既期望。如果你哋期望自己既人工好高，就要降低。老實講，小編覺得今年嘅經濟環境真係唔係幾好，所以唔好有咁高既期望。
根據 HKSlash – 搵工兼職招聘網 指出，合理的期望薪酬是申請 Big 4 工作的必要條件，定得太高或太低也會影響獲得工作的機會，精明的 HR 一眼就看出薪酬是否合理，那如何合理地找出自己的期望薪酬？想申請 Big 4 工作的你一定要看這篇文章︰如何在求職信或履歷表上穩妥填寫期望薪酬。
 

2. 辦公室政治

第二，「辦公室政治」呢五個字大家應該都唔會陌生，成日都會聽一啲做緊嘢嘅大人講呢一個專用名詞。而係Big 4度做，大家可能都會經歷呢樣嘢。據中大學生報，有過來人表示「出job很多時都比較悶，悶的時候怎樣打法最好呢？很自然就是講別人的是非。所以新入職的會計新鮮人一做得唔好、工作態度差、所謂問一些愚蠢的問題、放工準時走，以至於著得比較性感、著的比較名貴等（就算這些並不一定是事實），都會一個傳一個，很快全個department都會知道。」如果大家要同同事交流，避免講人是非，做好自己本分就可以，否則自己踩咗陷阱都唔知，影響前途。不過，有其他過來人表示自己嘅同事都好Nice，好容易相處，所以大家都唔需要太擔心，小編希望你哋都可以遇到一個好同事、好拍檔，可以一齊工作，一齊傾心事。
延伸閲讀：【搵工】Fresh grad幾時搵工 ? 
 

3. 工時

第三，如果大家想喺Big 4度做，要有定心理準備日日都要OT。係香港01嘅報道，有會計人員指出「賺咁多錢都冇時間使」。可見，係Big 4度做，好大機會要用自己大部分嘅時間先可以換取金錢，大家要留意究竟公司要求自己做到嘅工作量同埋工時係唔係合理呢？如果你本身好追求生活，想有多啲時間做自己鍾意做嘅嘢，可能呢一份工會比較唔適合你。點解小編咁講呢？因為小編見到接受香港01訪問嘅馮小姐表示「星期六日都要返工，完全冇生活。」所以，小編覺得係Big 4度做唔單止壓力大，工時亦都好長。
延伸閲讀：【心理】點樣去解決壓力?
 

點樣申請係Big 4度做?

另外，根據HKCareers- Expert in Investment Banking，Banking，MT &Big4既facebook page，每間 big 4請大約10-30人入advisory department，約1-2%applicant 會被取錄，由於advisory 經常要見唔同既客，特別係去到senior 的level，有時要做好多pitching，所以佢地著重client facing skills，可見申請係Big 4度做都唔係一件咁容易嘅事，需要具備多方面嘅能力，特別係溝通。所以大家係見工之前要做好準備，希望大家可以百戰百勝。
 

喺Big 4做全職好爽？

除此之外，先不論係Big 4度做，大家要有定心理準備日日都要喺Office OT，小編更加關注嘅係如果大家入Big 4工作，究竟有冇足夠嘅時間休息？根據中大學生報，有過來人指出幾乎日日都要OT，仲要每日OT七八個鐘。小編覺得我哋係一個人，係需要時間休息，需要時間沉澱自己，唔係將自己嘅人生完全奉獻俾工作。可能你哋會覺得係Big 4度做人工唔差，有頭有面，但係佢哋完全係靠自己嘅努力同埋時間換取。對於小編嚟講，入Big 4 度做完全唔係一份荀工，可能小編本身都好鍾意玩，十分介意將自己完全奉獻比工作。不過，如果你係一個工作狂，可能你會比較適合入Big 4度做,因為大部份人都覺得係入邊做好chur、好攰。
 

總結

總括而言，小編覺得係Big 4度做全職工作競爭激烈，壓力亦都唔少。小編極度之建議大家入Big 4之前要諗清諗楚,唔好因為薪酬或者名利，而揀咗一份自己唔鍾意嘅工作。始終揀邊份工，係要視乎自己嘅興趣同埋需要。系考慮薪酬嘅同時，都要顧及自己既興趣，否則可能做咗兩個月就要轉工，咁就唔好啦！如果大家真係好想入Big 4度做,不妨可以問吓已經有呢方面經驗嘅師兄師姐，了解吓入邊嘅運作，先再決定都未遲！
延伸閲讀：【恒生大學】一步一步，恒大走完正名之路 
延伸閲讀：【BBA出路】讀工商管理出到黎都未必做金融才俊

*此文章由 Blogger個人／編輯團隊 分享並僅供參考，意見及內容並不代表本網誌立場，Tutor Circle 尋補 對信息或內容所招至的損失或損害，不會承擔任何責任。

尋補？Tutor Circle！

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言