有很多人認為HKDSE English Paper 4並沒有技巧可言，只要考生在考試時說出一口流利英文的話，便可以輕鬆奪星。然而，作為人生重要一關的文憑試，考生切忌恃才傲物，宜做好準備，對考試內容有深入認識。例如，在英文口語能力這一分卷中，第二部分的即答題，可以轉換題目嗎？以下Tutor Circle 尋補為各位考生整理了一些英文卷四Oral的一些小技巧，為中六學生分憂。 1.預備時間 英文說話在四卷中算是較為容易的一科，原因之一在於在小組討論中，每人平均只有兩分鐘的發言時間，但是，預備時間卻足足有10分鐘。那麼，在這關鍵的預備時間內，考生應做什麼？現附上大致的預備流程： 首1分鐘：閱讀問題（包括附上的資料） 2-7分鐘：根據問題提供的三個方向與附上的資料組織發言 8-9分鐘:在心中演練首次發言 最後1分鐘:再演練一次/想想說完三個方向後有沒有新的論點(由於討論時間不多，一般而言並不會有由考生自由開拓新方向的時間。) 2.常犯錯誤 考生在英文Oral第一部分的常犯錯誤有： 第一、文法錯誤 - 常見於英文水平較低的學生，假若他們是在第一部分首個發言的考生，他們大多會說"Today, We would like to discuss about"假若看到這裡而發現不了問題的讀者，要注意discuss是及物動詞，並不會加上about。 第二、緊張 - 很多考生在發言時異常緊張。尤其是在第一次發言時，由於他們並未真正進入狀態，故有可能在發言時出現口吃等情況，這就是為何在預備時間內考生需要在心中演練一次，因為當演練完成後，考生的首次發言便可以「背」出來了。 第三、以為不可指名發言 - 很多考生都會被中文說話所影響，以為在英文說話時指名道姓地要求他人發言是會扣分，事實上，這除了不會扣分之外，這正正令考官認為你在帶領討論、鼓勵他人發言。在此情況下，考生的分數自然不跌反增。 3.轉換問題 很多日校教師都會說轉換問題會令考生扣分。事實上，這正確了一半，原因有二：轉換問題並不會直接導致考生扣分；考生並非必然扣分。一般而言，假若考生不想在第二部分被扣分，作答時間則需要最少要有35秒，而扣分的原因在於考生轉換問題需時，雖說轉換一條問題只需10秒，但這亦佔了個人回答環節六分之一的時間。在轉換問題後考生只剩下50秒作答的情況下，部分考生可能未合符35秒的標準而導致被扣分，令英語說話能力分卷的分數下跌。如果考生達標，便不會因轉換題目而被扣分。…

補習有冇用？英文唔係大部分香港人嘅母語，所以學起上嚟有困難都係無可避免，學到英文好似鬼佬噉就當然無得彈，但作為準備考DSE嘅你，究竟英文可以點補、點搞、點揀私補老師先係最有效嘅急救呢？Tutor Circle 尋補今日就同大家睇下英文科補習嘅一啲小貼士，希望幫助到有意改善英文能力嘅各位。 1.「鬼佬」導師未必好過本地人？ 正常人嘅心理應該會覺得：人地母語係英文，佢哋教就一定無死啦！但諗深一層先，外籍老師正正就係因為母語係英文，好難去明白香港人學英文會有咩困難！ 甚至好多母語係英文嘅人，對於DSE好着重嘅grammar同埋academic啲字，認識未必係咁深，即係香港人講廣東話，有時都唔知某啲詞係點解或者點寫。加上大部分嘅在港外國人都未必有考過DSE，唔清楚DSE對於學生嘅英文有咩要求，變相可能無咩機會學識／練習英文考試所需嘅技巧！ 不過你如果係想學習accent，或者一啲不論係日常生活定考試都適用嘅說話技巧，咁母語係英文嘅人就一定幫到你，到時就唔洗成日淨係識講 I totally agree with you 啦。 外籍導師對於本地學生嘅認識較淺，未必了解學生學習嘅難處。 2. 補考試技巧定補英文？ 其實在於考DSE嚟講，小編真心認為技巧大於英文。當然唔會話你英文好對考DSE都無用，但對於英文稍為弱嘅學生而言，技巧就係幫大家攞分嘅工具！ 例如係Reading，如果識得睇段落嘅頭尾get段落大意，其實中間未必每隻字你都要明，或者考Listening，識得一早將幾頁嘅資料分翻開係邊題啱用，就可以節省好多時間。所以不論你英文係好定差，補習嘅時候不妨花多小小時間學翻／練習下呢啲技巧，咁考起上嚟都輕鬆啲啦。  雖然話英文嘅基本功好重要，但要係DSE英文科考得好就可能需要一啲skills。 3. 狂操卷是常識？ 小編係絕對唔否認操卷可以幫助成績增長，但本人都幾相信操卷係幫你熟習咗個考試模式，而唔係大力幫你提升咗英文能力。如果補英文唔單止係為咗應考DSE，而真係想英文進步，不妨補習個過程試下同導師用英文對話，令聽、講都可以進步，或者同導師講下，希望佢提供多啲DSE以外嘅文章，例如係報紙雜誌，甚至推介啲好睇，內容又岩你程度嘅英美節目／演講，好似TED，係上堂個時分析啲字可以點解、句子可以點寫等，噉就可以開開心心學好英文，又可以考好DSE。 講到past paper香港嘅學生一定唔會陌生，基本上所有科目都係靠操。 總結 要學好英文一定唔係一件容易嘅事，需要長年累月嘅進步先可以改善英文，或者考試技巧助你喺考場得分，Tutor Circle尋補有大量英文補習老師，填form即時幫你配對學生，1日之內幫你搵老師！ 想搵個英文私補老師 延伸閱讀： 【補習社】18區補習社推薦…

講起英文科，好多人去到高中，先發現自己英文水平好似唔係幾夠應付DSE 英文卷Reading / Listening 嘅Part B2，然後後悔自己初中點解冇努力學過英文，想係高中嘅時候急起直追。但眼見坊間有咁多補習老師，真係唔知應該點揀。怕投資完一個老師回唔到本，怕佢教得太難，唔岩補底程度，今日我哋Tutor Circle尋補話你知究竟一個真係補底嘅英文老師應該係點架呢？要補底同學，通常都有啲共通點: grammar方面唔係太好、生字量少、寫作缺乏變化同欠通順等等...因此，要選擇邊位補習老師適合自己通常都係depends on你係邊方面嘅能力比較弱，同埋相對地，個位老師係乜嘢方面係較為突出。講左咁多，咁到底點樣先可以學好英文／改善自己嘅英文水平呢？以下就有4個方法： 1.搵到自己嘅不足 常見香港學生係英文方面要改善嘅地方都係個幾味: 聽 說 讀 寫、生字、grammar。第一步係要搵到令你英文舉步為艱嘅位。學習乜嘢都係，知道自己嘅弱點先知道要點樣進步。如果剩係「盲中中」人地教乜比你，你就學乜，唔單止會因為缺乏方向同目標去進步，仲剝奪埋你嘅problem-solving skills。所以一定要思考左個方向先去行動，係落手改善自己嘅不足之前要先搵到自己嘅缺點，咁樣先可以對症下藥。   2.善用身邊免費嘅資源 圖片來源想改善英文唔洗下下都咁快課金嘅，係俾錢搵補習之前可以先諗下自己有冇方法改善，例如每日上網聽下TED 、BBC、CNN，總之就英文野。有上開網上討論區嘅同學亦不妨上下外國版連登：Reddit，學習下唔同嘅slang，對你哋嘅英文都有幫助架。仲可以係改善英文嘅同時擴闊下視野，了解西方人嘅文化同埋唔同國家嘅時事議題，可以話係一舉兩得呀。之後，如果都係覺得唔夠嘅話可以額外買本grammar書返黎操下佢自學，之後就可以搵下人地幫手，觀察下你身邊英文好嘅同學同佢取下經，再唔係搵你個英文老師問下。佢改左你咁多次作文，點都清楚你嘅英文能力，所以，老師都應該可以比到一啲唔錯嘅改善建議。其實唔洗下下都搵「名師」，學習自己解決問題 同自學仲可以慢慢令到自己成長，試下唔好每次都依賴其他人，自己掌握返自己嘅學習。 3.針對性改善 當你拎到一啲意見同建議，對於點樣改善你嘅英文有一定框架之後，你當然要行動la。嘗試去制定時間表去為每個想要完成嘅tasks設置目標，例如首先要改善grammar，你就可以去買一本練習或者oxford grammar書。今個月讀10個chapter，自己jot一啲notes，然後設置一啲量度成效嘅單位，可能係將練習嘅正確率提升到90%… 做唔到嘅話就重新檢視一次自己學漏左啲咩，定係需要啲咩額外嘅資源。根據你嘅成績不斷自我review、practice、correct，相信好快就可以見到成效。 4.最重要嘅一點！！！！！ 就係要有耐性。學英文唔同學數學，唔係話今日操左幾份past paper第二日考試就見到進步。學英文係長時間嘅戰爭，根據非正式統計，十個英文唔好嘅人九個係衰冇耐性。因為英文冇咩即食罐頭野，要進步係要唔同方面嘅層次都提升，所以各位最好唔好期望可以一次過進步晒咁多方面。分成唔同嘅範疇，然後將佢逐一擊破，最後就好似農夫咁比啲耐性等收成。學英文難唔難就真係見仁見智，只要搵到問題所在，針對問題解決，就會好快見到進步。如果你想導師能夠針對返你嘅不足，私補就可能幫到你。透過單對單教學，私補會清楚你嘅水平同問題幫你，改文、口試練習都可以要求，仲有佢地過來人經驗嘅分享。 延伸閱讀：DSE英文 | 英文摘星⭐️秘技話你知外籍老師上門…