【免費法律諮詢】法律係有錢人嘅玩意？非也 – 香港免費法律諮詢一覽

Post author:Estherccy
Post category:小編分享
Post published:2020-07-14
Post last modified:2020-07-14

相信唔少香港人都抱住「法律係有錢人嘅玩意」嘅諗法，覺得冇返咁上下身家打官司，法律就係一個遙不可及嘅概念。的而且確，律師收費出名昂貴，唔係每個人都負擔得起，但香港仍然有唔少途徑，可以獲得免費法律諮詢，而家就等Tutor Circle尋補介紹下啦！

當值律師服務

圖片來源

當值律師服務係由香港政府提供嘅免費法律諮詢服務，目的是俾實際面對法律難題嘅市民取得初步同埋正確的法律意見，由義務律師向申請人闡釋佢地係法律上嘅權利同義務，同埋提出解決問題嘅可行渠道，但就唔會作出深入嘅分析或者衡量申請人嘅勝算。

當值律師服務計劃完住免費，亦唔似法援咁樣要做入息審查，但係申請人要留意，同義務律師見面後，計劃係唔會跟進或者委派律師處理接見嘅個案。

當值律師服務會由民政事務處之法律諮詢中心提供，現時有9個民政事務處提供呢項服務，分別為：

沙田民政諮詢中心；
中西區民政諮詢中心；
灣仔民政諮詢中心；
荃灣民政諮詢中心；
觀塘民政諮詢中心；
油尖旺民政諮詢中心；
離島民政諮詢中心；
東區民政諮詢中心；
黃大仙民政諮詢中心。

電話法律諮詢計劃

圖片來源

電話法律諮詢計劃同樣係由當值律師服務提供，透過電話錄音聲帶，向公眾人士提供免費法律資訊。

聲帶24小時自動播放，就七十幾個法律題目提供資訊，並有廣東話、普通話和英語可供選擇。計劃嘅目的只係為左有關法律題目提供簡介，而並非為市民提供深入的法律意見。

有關題目分為八大類﹕

家事法；
土地法及業主與租客條例；
刑事法；
僱傭法；
商務與銀行及售賣商品條例；
公共及行政法憲法；
環境法及民事侵權法；
一般法律常識。

如果想收聽有關錄音聲帶，可致電2521 3333 或2522 8018，並按照指示選擇所需資料。

香港律師會免費法律諮詢服務

圖片來源

香港律師會有提供免費法律諮詢服務，載於免費法律諮詢服務名單內的律師行已同意就24個法律類別無償為公眾人士提供不多於45分鐘免費初步法律諮詢服務。有需要嘅人士可以參考以下網址：http://www.choosehklawyer.org/tc/search_fl_start.asp

總結

香港嘅法律費用固然昂貴，但都有唔同方法可以獲取免費法律諮詢，有需要嘅人士可以參考以上計劃，揀適合自己嘅服務。

【延伸閱讀】【2021 DSE 重要日期】破天荒延後2個星期好好利用作最後衝刺！
【延伸閱讀】課外活動要點揀？報興趣班前你要考慮嘅三件事
【延伸閱讀】孩子參與興趣班的好處，百足咁多爪，還是周身刀無張利？

**現在從Blog 下方按鈕轉載到 Tutor Circle 尋補網站，並輸入優惠碼 ”TCBLOG2020“ 即可有$20學費減免，事不宜遲，馬上去搜索適合導師上課吧**

此文章純屬 Blogger 個人分享，並不代表本網誌立場。