DSE English Paper 1

【DSE English Paper 1】咪做大哂鬼!英文操卷「惜」用指南 – 英文閱讀理解篇

  • Post author:
  • Post category:DSE攻略
  • Post published:2020-10-19
  • Post last modified:2022-04-22

各位中六同學,你地仲有幾個月左右就要上戰場啦!緊張唔緊張呢?緊張還緊張,但千其唔好怯。因為怯,你就輸一世。Tutor Circle 尋補教你如何善用你既DSE paper!
 
本身底好嘅同學,依3個月如果可以好好應用、全力開turbo咁練習,升grade好容易!好多同學都會覺得操卷好重要,但到底你地平時嘅「操卷法」有無用?有無好好利用份DSE past paper?唔少同學都會上網搵DSE past paper,之後好似一隻驢仔咁,全份做、日日做,唔停咁做。好似覺得做哂全份卷先叫係「操」卷咁。但你有無發現,咁樣做法,每一次做完之後都只係得到一個數字(分數),進步反而唔多?其實係份卷咁操,唔單止無乜意思,仲哂左份past paper!DSE到而家都只係6年時間,past paper 都只係得6份,都無幾多份俾你咁做。點樣可以用有限資源,操到最大成效?今次就等我分享下我當年o既「操卷法」,話俾你地知4份英文papers點先叫「惜」/「識」操!
第一彈就係DSE English paper 1 – Reading !


DSE English Paper 1
reading係咪你既弱項?(網上圖片)


好多人會覺得閱讀卷係最難操嘅一份卷,因為閱讀卷次次文章都唔同,所以深信無辦法,只可以係咁希望可以提高答題命中率。但其實reading 卷題目好有規律,只要知道當中規律,其實搵出答案嘅方法都係萬變不離其宗!所以學生唔應該全份卷由第一題開始慢慢做到最後一題,而係先分好題型再跟題型咁做,搵出規律先可以針對性咁確實提高答題命中率!而根據我所做嘅試卷分析,英文reading卷嘅題目大致可以分為5大種類,包括:
1) Reference;
2) People/ things/ places;
3) Paragraph;
4) Whole text; 同
5) Grammar/ Vocabulary/ Semantics. (做B2 o既仲仲有第6種;推理題)

DSE English Paper 1
尋找reading中的規律(網上圖片)

1) Reference題:

故名思義,reference 題就係問緊文中某一個字(通常係代名詞) refers to D乜野,佢o既關鍵字係”in line ___” 同埋 ”refer(s) to”.由於依種題目好多時都會直接指出所在位置,而且比較簡單,所以我會建議學生先做操種題目。咁就可以避免次次操卷都要全篇文睇哂消化哂。
 



今期成功配對英文補習個案,即送你$50 Muji coupon及有機會贏走Doughnut Pyramid Gamescape Series乙個(價值$550),請申請英文補習個案時輸入個案優惠碼「PSG」,得獎者將於有輸入優惠碼的英文個案申請導師中隨機抽出。

2) People/ things / Places題:

依種題目係問緊文章入面某個人物 / 事件 / 事物 / 地方 o既題目。關健字有好多,但都一定會有特定人物 / 事件 / 事物 / 地方是但一個元素存在。依種題目由於需要搵出特定關鍵字但又唔需要完全消化,可以係掃讀階段完成。同樣可以避免次次操卷都要全篇文睇哂消化哂。
 


Copyright © 2022 Tutor Circle 尋補. All rights reserved. 此文章未經許可,不得轉載。
Copyright © 2022 Tutor Circle 尋補. All rights reserved. 此文章未經許可,不得轉載。

3) Paragraph題:

依種題目就係問緊你段落大意。關鍵字係”In paragraph ___”. 雖然依種題目有明顯指明位置。但由此要消化一整段文字,所以放係第3步操的題型。
 

即日起至2023年7月1日,以優惠碼「ZS」成功註冊尋補私補導師,於Zenyum網上購買任何口腔護理產品即享有半價優惠! (優惠領取方法會於完整註冊後彈出視窗出現)

4) Whole text 題:

依種題目通常同全文大意/ 文章行文氣氛有關。通常出現係尾果幾題。雖然話就話”whole text”,但心水清o既同學就會發現,你做完上述3種題目之後,好多時都已經唔再需要睇埋文章未睇o既部份都大約知道全文意思,可以解答到whole text 題。
 

5) Grammar / Vocabulary / Semantic 題:

最後依種題目你可以話深,可以話淺。接近90% 嘅grammar 題係唔需要睇篇文就已經可以答到。本身文法底好嘅同學我會建議你地最後先操(但考果陣最好做左先,因為都唔少分),文法底麻麻嘅,我會建議你先操(但考果陣放最後先做,因為文法題只有一個model answer,無信心十拿九穩就唔好花太多時間了)
英文底子好考DSE究竟有冇優勢?

DSE考英文定考exam skills?

6) 推理題(Part B2):

最後依種題目難度極高。好多時會問你點解作者會用某字/某句。通常只會出現係part B2 卷 (暫時未見過B1有依種)。由於你需要係文章唔同部份搵線索去幫你推理出作文原意,所以必須睇(掃讀)哂全篇文。而佢好多時都好tricky,好多同學花左大量時間去答都係一分都無,所以我會建議所有學生放最後先操依種題目。因為依種題目只係會出1至2題,佔分大約3-4分,影響力唔係幾大。

DSE English Paper 1
諗清楚先落手(網上圖片)

總結

各位同學係操reading 卷嘅時候不妨試下先分析好題型,再針對唔同題型黎練,咁先可以充分利用份past paper,唔會浪費。針對性訓練遠比全份做更有成效!習慣一下每次做完,對完答案之後都嘗試下係文中搵理據去解釋番個答案,咁會幫到你訓練搵出答題法則!加油!
 
延伸閱讀:
【2022DSE English】英文考試精讀筆記大全:答題技巧、題目分析!
【DSE英文作文】靠背文都過到骨?Eng Paper 2背書技巧!


*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Cricle 尋補 對信息或內容所招至的損失或損害,不會承擔任何責任。
DSE English Paper 1
DSE English Paper 1

尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言