香港 人 台灣 遊記

【香港人台灣遊記】那些年,你或許顧著遊歷而沒為意的系列  – 台灣篇

相信有好多人都有去過台灣,去得最多應該都係台北。機票又平,多數都千零蚊;機程又短,來回一轉仲快過來回屯門同柴灣 ,但次次都玩台北又悶咗啲囉,  唔知你地有無諗過去下台灣其他地區呢?Tutor Circle尋補今次介紹下台灣其他地方,包你大開眼界啊!!

花蓮大自然靚得嚇人嘅秘境

去台北多數都係瘋狂食、瘋狂買,睇到嘅靚景俾盡你都係上下陽明山,但去到台東嘅花蓮,就大把大自然風光你欣賞啦 。個人偏好睇海嘅小編,就極力推介七星潭同埋清水斷崖!

七星潭其實係一個海灣,因為佢成個地理形勢同北斗七星好相似,所以就叫七星潭!係花蓮縣嘅一個縣級風景特區 (要經過風景評鑑先可以列為特區架!)至於清水斷崖,睇海景吹海風係無得頂,睇下下面嘅相,你就知點解要去架啦。其實仲有好多靚地方,例如牛山呼庭、翡翠谷等等,有圖有真相,真係去睇下啦!

香港 人 台灣 遊記香港 人 台灣 遊記

歷史文化古都 台南!

掛住去玩嘅你一定無留意下啲文化歷史啦!台南係台灣歷史最悠久嘅城市,經歷過歷史上多次戰爭嘅洗禮,例如荷蘭曾經佔據台南38年,甲午戰爭後又俾日本統治左過,但亦都因為咁,台灣累積咗各式各樣嘅文化內涵!依家全台南市擁有五十四個國家列級古蹟,其中七個都係一級古蹟,係全台灣最多!當中有好多都係廟宇:大天后宫、祀典武廟、五妃廟,所以就好似當地人所講:個個星期都勁多廟會節慶,熱鬧到佢地覺得煩。不過如果你係去玩,就當然要感受下呢啲氣氛!


Copyright © 2021 Tutor Circle 尋補. All rights reserved. 此文章未經許可,不得轉載。
Copyright © 2021 Tutor Circle 尋補. All rights reserved. 此文章未經許可,不得轉載。

香港 人 台灣 遊記

台西蛤仔!

台南、台中、台北、台東大家都肯定有聽過,台西又有無諗過去玩呢?台灣咪好興食蚵仔煎嘅,台西就係全台灣文蛤養殖量最多嘅產區 !

佢地嘅「蚵仔輝特產中心」仲因為咁而成為左當地嘅一大景點,仲有唔少人去到台西鄉嘅時候,會特登去海邊體驗下挖蚵仔嘻嘻 ,如果係情侶去,順便挖完就係沙灘拖下手仔散下步,日落就睇埋個夕陽,真係無限好〜好〜好〜好〜好〜〜〜〜〜

香港 人 台灣 遊記

 

【延伸閱讀】那些年,你或許顧著遊歷而沒為意的系列  – 韓國篇

【延伸閱讀】那些年,你或許顧著遊歷而錯過了的系列  – 英國篇

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

 

留言