【DSE考試】手機阻唔到我溫書補習之餘，仲有app幫我備戰？

手機一向都係溫書同補習嘅大敵，但你又有無諗過，手機入面亦都有啲溫書app、補習app可以有助你讀書，甚至搵私人補習同上門補習都可以用到手機應用程式？身處科技發達嘅年代，一app在手已經可以有效地學習，點解唔好好善用科技嘅優勢呢？網上學習app究竟有咩選擇？即刻同大家睇下補習app！Tutor Circle 尋補就同大家分享下幫到各位手機學習軟件，呢類dse apps令到手機對你嘅學習百利而無一害。

1.Stapps

今時今日除左係網上可以through補習平台好似Tutor Circle尋補搵私補，仲可以用apps去搵補習老師。Stapps就係一個新嘅補習app去幫大家做matching，除左可以比學生睇晒唔同老師嘅資料同評語，仲可以比大家係隻app入面同老師傾到啱心水先至補：

私補app - Stapps — 除左網上補習中介，而家仲有App幫人搵補習！（圖片來源：Stapps）

（IOS）補習App
（Android）補習App

2.範文爭霸

由於考評局走回頭路，係中文科文憑試重新引入範文。令到考生需要係考試前背誦範文十數篇。因此，有開發者將遊戲與背誦結合，研發「範文爭霸」呢款遊戲。玩家可以係呢款學習程式入面代表自己學校，同全港所有學生比併對範文嘅熟悉程度，遊戲模式分為兩種：

競速模式 – 用類似賽車比賽的形式來與全港其他同學比賽背誦範文。
二人對戰 – 與朋友在屏幕兩邊比賽背誦範文

如果玩家想高倨於排行榜內，佢地嘅答題除左準之外，答題速度亦都係不可或缺嘅一環。
溫書必備 app - 範文爭霸
背誦古文亦可充滿樂趣。
圖片來源：APKMonk

3. Forest專注森林

係加拿大等八個國家榮獲「2018 Google Play 最佳自我提升應用程式」嘅得主就係呢個app啦！由於唔少學生係溫習果陣都受唔住手機嘅誘惑，每次抽空幾個鐘出黎溫書，結果有一半時間都去左玩手機。「專注森林」嘅目標係透過簡單有趣嘅方式，為用家帶黎高度專注嘅時間。用家只要係溫書果陣入呢個app種種子，假若用家係呢段時間唔玩手機嘅話，種子就會變成一棵茁壯嘅大樹，相反，用家用電話睇ig、玩手機game嘅話，種子就會枯死。有集中力問題嘅讀者可以download落黎試一試。
溫習app - 專注森林
用家可以試用呢款app以提升集中力。
圖片來源：3C布政司

4.自訂測驗

所謂「獨學而無友，則孤陋而寡聞。」交流同埋分享係知識傳遞必不可少嘅一部分。「自訂測驗」嘅目標係幫助自學人士學習。用家除左可以為自己設計測驗再將佢分享係網上資源庫外，亦可以由呢個溫書程式入面嘅資源庫入面作答其他使用者上傳嘅測驗。任何你想熟習嘅範疇，都有可能可以係呢個app入面搵到練習作訓練。
每日都透過手機唔同練習，最後成績自然上升。
測驗 app - 自訂測驗
自訂測驗入面有唔同種類嘅測驗比大家試做。
圖片來源：GooglePlay

5.單詞樹

唔少中學學生都為提升英文水平而苦惱，原因之一在於佢地嘅英文詞彙唔夠多，以致於佢地係考reading果陣好多字，甚至係連題目都睇唔明；係writing果陣就諗到啲句子又寫唔出。面對呢個問題，「單詞樹」呢個app就為用家提供由小學程度至英文公開試(例如:TOEFL, IELTS)。當中用家可以用圖表去瞭解自己嘅學習進度，一步步提升英文水平。此外，當中亦有「挑戰模式」測驗，用家要係限時內回答程式內嘅多項選擇題，睇下自己嘅英文詞彙究竟有無增長。
IELTS究竟係啲咩？考法有咩特別？

一文拆解IELTS考試

溫書 app

詞彙是英語之本。
圖片來源：googleplay
綜合以上，希望以上嘅app可以成為大家嘅利器，幫助讀者係試場內大殺四方。

【延伸閱讀】溫書好地方 | 自修室 vs 屋企 – 邊個先係最好?
【延伸閱讀】三個大考溫書方法必殺作戰策略

此文章純屬 Blogger 個人分享，並不代表本網誌立場。