唔知各位爸媽係唔係n班/playgroup呢派架呢？🧐本身我就唔係呢一派來嘅，我覺得遲啲先返學就可以遲啲先受苦🙈🤣 （我覺得返學係辛苦架！仲要一讀就20幾年🙈）。但之前我同過唔同唧父母傾計，發現9成父母都贊成n班/playgroup，話可以比小朋友早啲感受下課堂環境，同早啲學識社交，最重要嘅係❗️係有me time呀✨✨✨送左返學之後就係自己時間，所以好多父母都鐘意n班/playgroup…咁我不嬲都係好肯試同好鐘意試既人來，所以我就報左2間學校嘅playgroup試堂比肥仔試下😎一齊睇下肥仔嘅Playgroup初體驗！

Playgroup試堂好唔好？

其實我覺得有得以優惠價去試一堂係幾好，因為好多時小朋友一接觸新野就會驚，會喊，如果一來就報左一個course，好大機會個小朋友上左一堂就唔肯上，咁就浪費左d錢💸另外亦都有可能個小朋友同學校既教學模式唔夾，所以有試堂亦都可以比家長/小朋友感受一下學校既教學手法，之後再選擇報唔報的！

Playgroup課堂活動

而肥仔其實對大部分既課堂活動係接受嘅，但一啲過於刺激既感官活動，例如玩顏料/沙/水，佢就會開始驚🙈因為自從佢塊面有口水疹，比我地封左佢隻手，到之後好返再解放返佢隻手之後，佢就唔太鐘意用手都掂一d痴笠笠既野😩🙈其實我都好想幫佢突破呢個心理關口，但我估仲需要d時間😔而playgroup入面既內容有好多都係感官既訓練，變相姐係肥仔大多都好抗拒同會喊🤦🏻‍♀️

肥仔第一次playgroup個日我都有拍片，去記錄返佢既反應，如果大家有咩方法/tips比到我，可以令到肥仔唔好咁抗拒用手掂痴笠笠既野既話，歡迎pm我📩我需要大家既幫助！

👇🏻即睇影片👇🏻

今次就去到呢度先啦~
另外亦都十級強建議大家去埋我其他既social media度睇下啦，會睇到我地同bb互動既小片段的🤪

延伸閱讀：

【育兒好物】更新！加推4款實用BB用品：安全扣…
【Playgroup點揀好？】想幫BB報學前班應該點部署？留意這5項！

Frida Lee

一個90後/鐘意拍片/貪靚既新手媽媽。歡迎係IG • FB • YouTube搵我啦~

留言