You are currently viewing 【認識壓力】3個關於壓力既正確概念?壓力唔一定係壞!

【認識壓力】3個關於壓力既正確概念?壓力唔一定係壞!

記得前排每日都有學生自殺,可想而知壓力嘅威力係幾咁大。壓力係我地日常生活已經成日遇到,究竟我地可以做啲咩去應付佢?你又認唔認識佢?錯啦,今日我係要講我地可以點樣係精神上對抗壓力。Tutor Circle尋補同你由精神壓力認知落手,同大家釐清三個有關壓力既概念,將壓力轉化成動力。

1.點樣同壓力做朋友?

認識壓力 - 握手
壓力對我地黎講,一係朋友,一係敵人。

我諗大家都知長期處於壓力狀態係對身體唔好架啦,情緒病又好,內臟問題又好。我地一聽到壓力就會諗佢係衰野,佢對我有害。但原來,我地一路都係錯架。跟住落黎我會用外國嘅研究結果,同大家講下點解我地唔應該負面地諗壓力。
 

2.你點睇壓力?

認識壓力 - 3 people measuring
對於壓力,好多人都認為係負面,但其實唔一定?

哈佛大學就做左個研究,用十年去追蹤幾類人。第一類係有好大壓力,覺得壓力係弊大於利嘅人;第二類人都係有好大壓力,但唔覺得壓力有害;其他類別就係有中等壓力或者輕微壓力嘅人。
十年後,研究人員再用美國嘅數據庫追蹤返呢啲人嘅狀況,發現第一類人嘅死亡風險竟然上升左43%。而第二類嘅人,同樣係承受極大壓力,但佢地嘅死亡風險率竟然係咁多類人入面最低,仲低過只係承受輕微壓力嘅人。因為佢地唔覺得壓力係弊大於利,佢地唔當壓力係敵人。原來我地點樣諗壓力,係會影響佢究竟係咪對我地有害。
 

3.壓力都有好既一面

認識壓力 - stress curve
如果能夠控制好壓力,壓力將會提高我地既工作效率。

除此之外,大家係咪一路都認為壓力正係會令自己更加chur,唔會對我地有好處呢。
事實上,我地身體有一種荷爾蒙叫oxytocin。大部分人都正係知oxytocin正係會係擁抱人個陣產生,
然而oxytocin係我地有壓力嘅時候都會產生架。呢隻荷爾蒙有咩咁巴閉?話你聽,佢嘅好處大到連啲美國人都問why don’t we just snort it !首先,佢會調節腦部嘅社交意識,令我地更加social。佢會令我地想做啲會穩定,堅固關係嘅野,不論係親朋定情侶關係。其次,佢會加強我地嘅同情心,令我地更加願意去幫助其他人。施比受更有福,我地返翻去死亡風險個話題呀。家庭或財政問題會令受擾者嘅死亡風險上升30%。但係肯花時間幫助他人嘅人,壓力係完全影響唔到佢地嘅死亡風險。幫一幫人就可以令自己更加長壽,何樂而不為呢?
 


Copyright © 2022 Tutor Circle 尋補. All rights reserved. 此文章未經許可,不得轉載。
Copyright © 2022 Tutor Circle 尋補. All rights reserved. 此文章未經許可,不得轉載。

總結

認識壓力 - sunglass
重新認識左壓力之後,你會唔會改變一下對佢既睇法?

睇完以上嘅研究結果,大家係咪覺得自己應該少左好多年命呢。唔緊要,你唔係一個人,我由細到大都認為壓力好恐怖,會粉碎一個人嘅生命。但而家知道左其實換個角度諗,壓力都幫助到我地唔少。無錯,做運動,聽歌呢啲活動的確可以釋放壓力。但係壓力唔會係你釋放完就永遠同你講再見。點樣應付,面對佢先係最重要。學識左點樣對付壓力,以後有壓力都可以用你新嘅思想去迎接佢。咁樣你就唔會再驚,再比佢影響到你。視壓力為友,輕鬆打低對手。
 
 
【延伸閱讀】學游水 | 識得游水有咩著數?
【延伸閱讀】抑鬱症患者自白 :一種會上癮的悲傷
 
此文章純屬 Blogger 個人分享,並不代表本網誌立場。
 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebookInstagram,想尋補?搵Tutor Circle

 
Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

 


*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Cricle 尋補 對信息或內容所招至的損失或損害,不會承擔任何責任。


尋補?Tutor Circle!


留言