為人父母，就係要教好個小朋友，以前既我會覺得係家長去”教”好個小朋友，但自從我做左媽媽之後，我反而覺得係卡樂b”教”返我點樣做一個好既家長…

學做父母1. 面對Trouble 2實況

而家卡樂b就快2歲，處於trouble 2既階段，但佢又未識講野，有好多野佢都想做但又表達唔到，所以佢既脾氣都好大，亦好易會lur地扭計喊…

學做父母2. 氹唔掂點算好？

而講真，遇到呢d情況個陣我都好忟，因為點氹佢都唔收貨，都係不停喊不停lur地，有時我既理智線都會忍唔住斷，會大聲話卡樂b…😮‍💨而當我大聲話完佢，雖然佢會喊得再大聲d，但同時間佢係會走過來討抱😢所以就會令我反思，其實我係咪可以做好d呢？我係咪可以搵第二個方法去處理呢？係我角度既世界，我擁有好多…但係卡樂b角度既世界，我同爸爸就係佢既全世界😭😭😭卡樂b將全部既愛比曬我同爸爸，係最單純最直接最無條件既愛，更加令到我反思我對佢教佢既方式係唔係可以更好…

學做父母3. 互相學習是關鍵

所以我就覺得，雖然平時係由我地去”教”卡樂b，教佢用工具教佢講野教佢識字，但同時間卡樂b係”教”緊我地咩叫愛❤️，教我地成為一個更好既人，教我地學識控制脾氣，教我地學識要平心靜氣去表達感受…最後亦都提醒左我，我十月懷胎，痛左20幾個鐘仲要捱一刀先生到出來既小寶貝🤱🏻，點忍到心鬧佢話佢，更加唔忍心打佢啦😚

今次就去到呢度先啦~
另外亦都十級強建議大家去埋我其他既social media度睇下啦，會睇到我地同bb互動既小片段的🤪

延伸閱讀：
【BB學講嘢】父母浮誇表情幫到手！
【幼兒心理健康】點樣教仔係最好？

Frida Lee

一個90後/鐘意拍片/貪靚既新手媽媽。歡迎係IG • FB • YouTube搵我啦~

留言