呢排真係超多小朋友中流感和covid，我家小jasmine不幸又病了…前幾晚突然發高燒，燒到40度😩呼吸又不停發出奇怪嘅聲音好似狗吠聲，又嘔，Jo媽緊係擔心，即刻帶小jasmine衝急症室，以下想分享一下住公立醫院的情況，俾媽媽們參考一下

.

搭的士去屯門醫院，下的士碰到另一位媽媽帶住發燒的小朋友，説要等6小時即時飛的去港安，我上網查都說要等6小時🥹但心諗既然來到就入去登記睇吓點

.

之後登記完好快分流，呀女好幸運一個鐘左右就完成見醫生照x光仲安排左隔離病房，我都有啲surprise，可以有一個家長陪住小朋友住院的，入去要著保護衣物同換口罩😷

.

🌟住醫院情況：

➡️入院個時因為發高燒用左醫院俾退燒塞，醫生再開左紓緩氣管嘅藥，呀女即時氣順左好多，之後一日都無發燒了，但自剛入院時俾過一次藥，就無俾過任何藥了，只是住院觀察

➡️有4個人名額輪住陪同，不得更改，探病時間可以兩個人同時陪bb，一日共有兩段探病時間

➡️一開始隔離病房就一日一間房有獨立廁所滿不錯，但情況好轉，轉番去普通病房，有幾個小朋友不停咳😩但醫生係唔會開藥俾佢止咳，亦都唔俾關簾

➡️如果廿四小時再有發燒，係唔會批准出院

➡️兒科病房醫生同護士基本上態度都幾好，出面保安就睇彩數，有幾個唔錯，有幾個好惡，急症室嘅所有醫生護士態度都係非常之差🫣問多幾句就會問你咁你醫唔醫😒

➡️佢會有儀器幫你check住，廿四小時一切正常，冇發燒，阿女冇咗氣喘，就批准出院，不過佢朝早話俾出院，等醫生寫報告都等到一點先可以出院

➡️ 大人係唔可以係病房食嘢同去廁所，如果要食嘢同去廁所出去，bb就要着保護背心

➡️醫院會有奶粉提供，但只得一個牌子，亦都會提供小朋友嘢食，味道正常啦，但全部統一，唔會因應小朋友嘅病情而特別照顧

➡️每個病床只會得一張凳，即使隔離空床張凳冇人坐，探病時間拎過嚟坐都係會比姑娘鬧

➡️留院期間小朋友只可以喺張床度坐，同喺病房走動

.

🌟感想

➡️如果係好似我的情況，半夜呀女又高燒又獅吼症第二日又係星期日冇醫生睇，就一定沖急症，但好急一定會拎執漏嘢，不過好好嘅拎漏夜廿四小時都可以拎入去

➡️如果唔係發高燒退唔到，或者真係唞唔到氣，捱到第二日嘅，就真係等第二日去睇私家

➡️如果有買BB保險有住院賠，就一定衝私家，起碼唔使受氣，可以任何人去探病，又可以兩個人輪住陪，大人會舒服好多，同起碼唔會等咁耐先有得睇，我就好彩分流左去緊急先可以一個鐘搞掂

➡️不過公立醫院買單果下真係幾開心嘅，咁一分錢一分貨係要受下氣

➡️如果住院真係要帶勁多玩具比亞女去玩，佢得兩歲全日坐喺張床度真係好悶，同平時陪喺隔離瞓覺嘅公仔，等小朋友多啲安全感

➡️好彩公立醫院都可以帶外來嘅嘢食，我哋自己買咗啲粉麵包比阿女食，幸好第二日下午佢終於肯食嘢幾有胃口

➡️記得帶自己奶粉，醫院有提供熱水沖奶的，兒科嘅姐姐全部都好好人，成日問要唔要熱水

➡️記得要帶出世紙

➡️大人入去接更/輪更要食飽入去，我同記得去廁所先入去，記得帶叉電

.

希望我嘅分享幫到大家，好好彩亞女返咗屋企好返好多了，媽媽都可以休息吓，最後祝大家都要身體健康🥰

延伸閱讀：
【戴口罩】個人選擇！新手媽媽分享箇中原因…
【學習爆發期】私心分享教trouble2妙法！

－－－－－－－－－－－－－－－－－－－－
👼🏻現正招募「親子Blogger」！你都想分享育兒資訊？
立即將1️⃣筆名、2️⃣FB/IG/Blog page及3️⃣個人簡介 send俾我哋！
按此👉🏻Email
按此👉🏻Whatsapp
記得註明【申請做親子Blogger】，可能下一篇就係你嘅文章啦！😍
－－－－－－－－－－－－－－－－－－－－

留言