【香港創業】想喺香港做生意創一番事業？解答3大常見疑問！

香港創業做生意應該點入手？好多打工仔都唔甘心一世打工，唔想永遠受老闆氣，想真正做一啲自己有興趣嘅嘢！創業可能係你嘅最佳選擇。雖然講就易，但喺香港地創業絕對一啲都唔簡單。創業做咩好？點樣自己創業？快啲同Tutor Circle尋補一齊睇下有咩要注意啦！

點解要喺香港做生意？

香港市場發展成熟，奉行自由企業同埋自由市場嘅大原則，冇貿易屏障，亦唔徵收關稅，方便小企業營商。加上香港已經建立必要嘅基本設施，人力資本嘅質素亦相當優秀，絕佳嘅配置可以免卻創業初期一啲不必要嘅煩惱。

加上好重要嘅一點係，創業初期難免資金短缺，慳得一蚊得一蚊，香港嘅利得稅稅制就相當友善，採取分段式設計，頭200萬嘅利得稅稅率係8.25%，其後嘅利潤就會按16.5%徵稅，對於創業初期收入唔穩定嘅公司係一個優勢。

係決定創業前，年輕人有好多嘢需要先考慮清楚，以下係一個短短的清單，可以比大家Brainstorm下：

公司會從事乜嘢嘅行業，會售賣啲咩產品？
需要請幾多個人幫手？
需唔需要租實體嘅辦公室? 唔能夠負擔到所衍生嘅租金？
公司應該以咩形式成立？獨資經營或者合夥形式彈性較高，但所承擔嘅風險較大，成立有限公司即係可以降低負債風險，但成立過程繁複並獨資經營或者合夥形式彈性較高，但所承擔嘅風險較大，成立有限公司則可以降低負債風險，但成立過程繁複並較為昂貴。

如果想同幾個朋友夾份做生意，無論大家幾friend都好，最好都先簽一份合夥人協議，清楚定名點樣去返公司賺到嘅利潤，如果公司受到虧損又應該如何承擔，劃分每一位合夥人嘅權利同埋義務，保障返自己亦保障朋友。