好多人對營養學嘅印象就係出黎做營養師，即係減肥嘅時候要見嘅人，以為佢地嘅工作只係制定減肥餐單，坐係度比啲飲食建議咁。但其實讀營養學唔代表做營養師，出路亦都唔止係呢方面嘅。有意修讀營養學或者已經讀緊而又煩惱緊第時畢業做咩好嘅同學就要同Tutor Circle 尋補一齊睇下呢篇文章喇～ 1. 醫院/診所 第一個就係係醫院或者診所做註冊營養師喇，最直接最正路嘅出路之一。但要留意，單單係香港完成營養學課程係唔能夠成為註冊營養師架，畢業之後就再去海外留學考返個牌，先可以係香港以註冊營養師呢個頭銜執業，香港認可來自英國、澳洲、加拿大、美國牌照，而常見嘅會去英國或者澳洲考返黎。如果唔想出國又或者又節省開支嘅話可以選擇由HKU Space提供嘅Postgraduate課程，一樣可以拎到英國牌照。 讀醫有幾辛苦你又知唔知？ 圖片來源：Holistic Kenko   2. 食品公司 隨著近來愈黎愈多食品安全事件，例如地溝油、黑心肉呢啲愈爆愈多，市民對於食品嘅健康性愈黎愈重視，因此亦為營養學嘅畢業生創造左好多新嘅出路選擇。食品公司，尤其係標榜健康食品嘅公司都會聘請一啲讀營養學嘅畢業生，為佢地嘅產品比啲意見。同註冊營養師唔同，呢個出路會較多傾向商業，亦可以參與更多嘅範疇，例如市場推廣或者採購。 圖片來源：CUNY Urban Food Policy Institute   3. 飲食集團/餐廳 大眾對於健康既關注愈黎愈高，個個都話要食得健康啲，不少食肆都推出「有營餐單」，主打「三低一高」，即低脂、低鹽、低糖、高纖。所以係飲食行業亦都對營養學嘅畢業生開始有需求，同上面食品公司有啲相似嘅係會有更多有關商業方面嘅範疇，例如點樣去宣傳，甚至係有份設計餐單，需要同唔同嘅人打交道，唔係對黎對去都係病人咁悶。 圖片來源：有『營』食肆   4. 護理產品 人口老化問題困擾住香港眾所周知，除左老人院同埋福利嘅需求愈黎愈大之餘，一啲護理產品或者係保健品亦都形黎一個新嘅市場。加上健康意識提高，服用保健品亦都有年輕化嘅趨勢。面對住突如其來嘅需求上升，相關人手亦當然需要多啲，讀營養學嘅同學仔正正就係呢啲公司要搵嘅人才喇！   5. 社區護理中心及老人院…

韓流大熱，韓國迅速飆升成為香港年輕人最愛的旅遊地點之一，甚至有人一年多次飛往韓國。泡菜國簡直就似家鄉一樣呀！但是韓國的物價並不低，差不多跟香港一樣。如果大家「手頭緊」又想返鄉下的話，就要想想辦法節省開支啦！以下就讓Tutor Circle尋補為大家推薦幾間平、靚、正的地道맛집（美食店），帶大家一齊窮遊韓國！ 1. 姨母家王蔥餅 (이모네왕파전) 香港較少有專賣韓式蔥餅的店舖，但其實蔥餅於韓國有很大代表性。韓國人最喜歡於雨天食蔥餅，為什麼呢？因為煎蔥餅的「嗞嗞」聲與雨聲一樣，所以韓國人就特別中意於雨天一邊食蔥餅，一邊飲馬格利酒（막걸리）享受悠閒的時光。這間蔥餅雖然不近遊客區，但真是十分「抵食」！其中小編就推介G Set，包括一大個海鮮蔥餅、芝士雞蛋卷、辣炒年糕、芝士粟米及一枝汽水，都只是KRW23000(約HKD161)。小編與5位朋友一齊食，都食到好飽！ 地址：서울 동대문구 휘경1동 334-85 (首爾市東大門區徽慶1洞334-85) 電話：02-959-8318 2. 弘益醬蟹 (홍익게장) 醬油蟹簡直是韓國美食的名物。它的別稱是「白飯小偷」，因為佢實在「太好送飯」，令人好容易忍不住就食了幾碗飯。但是韓國醬油蟹絕對並非一個低消費的食品。若大家想嚐鮮又不想太貴，可以試試這間弘益醬蟹，最平只需KRW15900（約HKD112）就可以無限任食醬油蟹啦！雖然質素一般，但可以以經濟的價錢品嚐醬油蟹，可謂窮遊首選！加上，餐廳地點方便（弘大），所以深受旅客歡迎！ 地址：서울 마포구 성산동 232-12 (首爾麻浦區城山洞232-12) 電話：02-323-1112 3. 八八海鮮鍋 (팔팔해물탕) 首爾雖然並非沿海城市，但一樣有新鮮的海鮮食！這間餐廳專做海鮮鍋。滿滿的海鮮，鮑魚及龍蝦還會跟你打招呼添，保證新鮮生猛！中份（2–3人）只需KRW60000（約HKD420）；大份（4–5人）就KRW78000（約HKD546）。每位平均港幣百幾元，就可以品嚐最新鮮的海鮮！不過，餐廳不近旅遊區，但大家未需擔心，店內有中文餐牌及會說中文的「阿豬媽」店員，溝通無難度！ 地址：서울시 동작구 신대방2동 375-21 (首爾銅雀區新大方第2洞375-21) 電話：02-817-2789…

香港人，翻工嘅又好，翻學嘅又好，想偷多啲時間去旅行放鬆下，都難過登天。到有時間去，又因為貪方便，就去啲最多人去嘅地方，行程直接上網copy and paste就搞掂。但少年，咁樣你咪錯過好多好光景囉，所以今個系列嘅Blog，Tutor Circle尋補就同你地講下一啲你地成日想去嘅大國家，裡面嘅小風光啦！ 我諗大家對英國嘅印象，唔多唔少都限於倫敦，覺得物價好貴、生活指數好高。但Brighton可以話係另一回事。Brighton 布萊頓鎮係英國一個沿海小鎮，亦係唔少遊客同當地人嘅度假勝地。不過大多數人都只會花一至兩日留係Brighton。小編就有幸係個到逗留左一個月，見識到英國呢個大都會嘅另一面  :)尋補Tutor Circle帶你探索英國小鎮。 悠閒至極嘅生活步伐 係香港，我地行步路都快過人，而的確小編係倫敦個時都唔慢得幾多。但去到Brighton，真係無得你唔入鄉隨俗，跟住佢一齊慢LOL放假就遊水、曬太陽、放狗，去餐廳嘅，就坐足大半日同朋友傾計，係屋企嘅，就訓飽之後買餸煮飯睇Netflix :D一到星期五，大家就TGIF go get wasted!  先唔講佢地平時翻放工都好準時，就連翻工嘅時候都可以好慢 @@ 就以小編每日要由大學宿舍出去市中心要坐嘅一班巴士為例，車程大概係15-20分鐘。個架巴士途中必經另一間學院，就係呢個站，巴士司機可以隨便落車休息，食翻枝煙，飲翻杯咖啡咁。小編第一次搭個時以為有咩事，坐多左先知佢地習慣就係咁，最耐個次，小編就同一班同學，係巴士到，陪個司機一齊休息左半個鐘 :D如果呢件事發生係香港，相信個司機會俾人鬧到體無完膚，投訴仲會上晒連登同A1頭條 sosad 究竟買野貴唔貴 ？！ 唔少人都話，英國買野好貴啊，呢個印象係小編去英國之前都有，但去到Brighton完全打破我呢個印象。作為一個窮丁丁，當然係各方面都係想慳就慳啦，所以就成日同hall mate煮飯仔〜估你唔到係Brighton超市買好多野仲平過香港買 :o最記得係咩呢：一隻全雞 hkd 20！一盒白蘑菇 hkd 9！一枝 1L嘅橙汁 hkd…

西安亦稱長安，鎬京。這些名稱經常出現於教科書中，相信大家對它們也不陌生吧。從文明的曙光周朝至大秦統一，漢唐盛世，西安是中國二千多年歷史中的首都。西安記載着中國發展的歷史，溢滿着千年文化的氣味。它是中國文化的地基。    歡迎乘搭飛往西安的航班，希望能夠讓你們多認識中國的文化及歷史遺產。尋補Tutor Circle祝你旅途愉快！   行程第一天 到達西安時已經是下午二時，離開機場途中碰到當地接待遊客的旅行社，本來打算查詢一下到古城的交通。最後為了省錢卻參加了他們一天遊，因為套餐包了酒店接送（套餐約人民幣360一人，有旅遊車接送及導遊講解）入住的酒店是在鼓樓附近的西安馨樂庭城中服務公寓，步行到鼓樓及回民街只需要10分鐘左右，附近亦有大型商場，便利店及餐廳，十分便利。 放下行李後，到了鐘樓走走，票價是人民幣30元。在內主要介紹鐘樓的建築特色及歷史。個人認為鐘樓不值得要付30元參觀，可是上來欣賞下車來人往的風景也很不錯。 在鐘樓每一道門也有不同中國故事的插畫 參觀完鐘樓，走路到了充滿西安美食的回民街。在路的兩旁充滿了各色各樣的餐廳及攤檔。這間西安的賈三灌湯包，聞名於西安。薄薄的外皮包着肉和肉汁，羊肉不膻且十分入味，亦沒有任何味精作調味，真材實料。價錢便宜，約12元人民幣一籠。餐廳亦有其他小食，任君選擇，灌湯包亦有不同肉餡可以選擇，十分推介此外亦有羊肉泡饃，牛肉夾饃，老孫家的紅柳烤肉，biangbiang麵等也值得一試！ 吃了西安的美食後，去了回民街的遊客街買了些紀念品。也是很有中國特色的紀念品，只是用來珍藏，哈哈。毛語錄20元，畫45元。 在遊客街裹有不同的西安及中國特色的紀念品，例如t shirt，兵馬俑彷製品，圖片，油畫，手飾等。價錢較貴，始終是做遊客生意。下圖的衣服上寫了OBAMAO，印有前美國總統奧巴馬穿上中國文革時期的共產黨軍服，是當時奧巴馬訪中國時，中國人對奧巴馬的嘲諷，亦吸引了不少外國遊客購買。 晚上到了酒店附近的商場吃海底撈。在內地食海底撈不用大排長龍，而且價錢比在香港更便宜。與朋友一起吃到飽，也不用300元人民幣。   行程第二天 第二天早上6點多就起床，跟當地旅行團去參觀華清池及兵馬俑。其實有點後悔跟了旅行團，因為要跟着密密麻麻的行程，自由度很低，真的不適合喜歡自由自在的年青人。而且適逢暑假，旅遊景點必定擠滿旅客，內地的博物館的空調不常開或是調至最高溫度，加上內地亦沒有做人流管制，就算在室內也能使人汗流浹背。    華清池，是唐代華清宮的溫泉浴池，是妃嬪及皇帝浸浴的地方，已經為歷朝歷代的皇帝行宮了三千多年。自安史之亂，華清宮已經受到破壞。現在，登上驪山，富麗堂皇的華清宮重現眼前，遠眺山下的城市，才知道那時唐朝有多興盛。其實華清池沒有特別好看，只有一些很殘舊的浴池，但有了導遊講解就更意思了！所以沒有跟旅行團的朋友，真的要花少少錢聽講解。 (圖片來源自網上) 此外，華清宮也是在民國時期發生西安事變的重要地方。當時因為張學良及楊虎城跟隨蔣介石來到西安發動兵諫，扣壓蔣介石，迫使他共同抗日，停止國內鬥爭，最後中國才能戰勝日本。 這是西安事變時留下來的子彈窿 華清池入場費70元，上驪山的纜車好像要45元。在華清宮中的華清池到了晚上就是長恨歌的表演場地。長恨歌是當是唐朝詩人白居易描寫唐玄宗及楊貴妃愛情故事的詩。   參觀完華清池，導遊帶我們去吃午飯。午飯不是什麼地道小吃，只是普通快餐，價錢不貴，也不好吃。吃完午飯，到了飯店旁的玉石場走走。買了一塊芙蓉玉（人民幣150元），聽說是當時唐玄宗送給楊貴妃的定情信物。據說芙蓉玉能保佑身體健康，因為它擁有豐富礦物質，可以醫治小病。雖然我不知道它有否這個功效，但卻被晶凝通透的粉色玉吸引了。 (圖片來源自網上) 下一個目的地就是兵馬俑，是來西安的主要目的。雖然沒有什麼華麗的展品，只有一些五體不存的兵俑，但是了解兵俑的類別，兵器，就能了解當時秦代國勢，比起在教科書的資料更實在。 由兵馬俑的出口走回公交車站或是旅遊巴的上落客的地方，會經過一條美食大街，餐廳與小食跟回民街那些差不多，而且沒有回民街的好吃。但是建議你們買仿制兵馬俑的手信要出到博物館才好買，因為實在便宜得多了。基本一個兵馬俑，約需要10元人民幣。愈近博物館出口的店鋪，價錢會愈貴哦！ 在美食街買了一碗長沙豆腐，好像要20元一碗。這些黑色的臭豆腐炸好後戳一個洞，然後灌入辣椒醬，再淋上湯汁。很好吃。(圖片來源自網上)  …

香港人去旅行通常都貪方便，去啲最多人去嘅地方，行程直接上網搵。但係而家潮流興講深度游！深度遊姐係話要遊歷多啲社會、文化、歷史一啲比較有深度既資訊。Tutor Circle尋補今次就同你地講下韓國釜山同埋濟州，講下裡面嘅深度景點同文化啦，希望可以幫你建立到一次更有意義既深度遊旅程。 個個去韓國，都係話去首爾瘋狂shopping，買化妝品買衫買零食，其實呢，韓國都可以有另一面俾大家欣賞下嘅，如果你有去過釜山同濟洲就知架啦:！   1.瘋狂食海鮮 你以為去到韓國淨係食泡菜、韓牛、人參雞？No No No 由於釜山同濟州都係沿海城市 (小編發覺寫左幾篇都係沿海城市)，去到個到真係食咩都有海鮮，韓式燒肉變成韓式燒海鮮；泡菜豆腐鍋變成泡菜海鮮鍋；肉碎炸醬麵變成海鮮炸醬麵，去嘅時候假會發覺，周街嘅餐廳都會有個水箱係出面賣海鮮，裡面住左好多蜆仔、長腳蟹仔、蝦仔，然後貼住四隻中文大字：海鮮套餐，會令你好有衝動消滅晒佢地！對於鍾意食海鮮嘅朋友真係天堂啊嗚嗚！     去旅行除左鐘意飲飲食食，景觀都好重要，我相信巴黎就一定滿足到你地！ 2.海女文化                 海女，顧名思義就係靠海維生嘅女性~韓國嘅海女就專係捉各種唔同海底生物為主嘅，分分鐘你地食到嘅紫菜、鮑魚、八爪魚都係佢地捉上黎架，有時係濟州行到去海岸邊，都會見到有海女潛上又潛落！不過隨住可以靠機器取代人手去捕漁穫，加上呢份工太辛苦同危險，無人願意再做，呢個只會係沿海城市出現嘅職業慢慢被淘汰。。當中仲做緊呢份工嘅女性，好多都已經係60歲以上啦～ 韓國社會由古至今都係父權當道，唯獨係濟州，過往有好多男性因戰亂而死，而且火山地唔適宜做農地耕種，變相落海工作嘅海女就變成左家庭嘅經濟支柱，象徵住當時女性嘅崛起！就係種種嘅歷史因素，同埋佢地嘅高超，唔需要任何潛水工具就可以潛到水嘅技術，令佢地得以列為聯合國非物質文化遺產之一。政府都好努力保育呢種文化，會資助僅餘海女嘅工作，又設立左海女博物館，大家去玩嘅同時，都可以了解下呢種文化！   去旅行簽證都好重要，一個唔覺意搞唔掂張簽證，分分鐘連機票酒店都浪費埋！去台灣唔記得整入台證點算？越南簽證又點整？          …

次次約一大班人出街食飯，其中一個Option一定係放題🤔香港人真係好鐘意食放題❣️日式放題、韓燒放題、甜品放題... ...選擇多到數唔曬，行出街，仲有一間放題係附近🤩但你地有冇諗過，究意放題係點賺到錢💰架呢？今日就等尋補Tutor Circle揭露下佢地既秘密比你知啦！ 1. 減少開銷 普遍黎講，開銷係佔左飲食行業既其中一個最大既成本，但放題就慳左好多人手啦！去到放題，好多時你要自己服務自己，自己攞野食、斟野飲，所以係員工服務上就唔洗要好多成本啦，加上唔洗擔心擺盤同埋菜單設計，減少左好多成個服務過程需要既人手。 遇到大胃王點算 食放題之前，總會有朋友同你講：我突登冇食XX，留肚黎食放題架！一定要食返夠本先走！😋 😋食材成本係經營餐廳既一大成本，當然放題都唔例外啦。通常食材成本會控制係餐費成本既30-35% 之間，而餐廳訂價通常係已經包含埋其他成本開支，所以即使有大胃王去食，餐廳都唔會蝕本💵 2. 食材選擇 放題既一大賣點就係菜色種類好多，🥞 🥓 🥩 🍗 🍖 🌭 🍔 🍟 🍕 🥪但其實好多食品既成本都好平，佢地會大量購買平既蔬菜，例如薯仔、紅蘿蔔等等， 🌽 🥕 🥔 🍠仲有飯，麵，麵包等既高飽和感既食物，令你好快就會有飽肚感，停止進食。 3. 技巧性擺設 去過咁多間放題，有冇發現佢地既佈局好似都差唔多咁？其實呢個亦都係佢地為實現利潤最大化(Profit Maximization) 既小技巧首先，你會見到沙律、菜、麵包、炒飯/麵...🥙  🍞 🥗 🍝…